ठाणे - राज्य मंत्रिमंडळाचा उद्या (सोमवारी) विस्तार होणार आहे. त्यापूर्वीच शपथ घेणाऱ्या राष्ट्रवादी काँग्रेसच्या नेत्यांची नावे व्हायरल होण्यास सुरुवात झाली आहे. जितेंद्र आव्हाड यांचा शरद पवार यांच्याविषयी 'मी तुमचा जन्मभर ऋणी राहीन' असे लिहिलेला बॅनर व्हायरल झाला आहे.
हेही वाचा - काँग्रसने नव्हे तर जनसंघाच्या सरकारने डाॅ. बाबासाहेब आंबेडकरांना दिले होते भारतरत्न- डॉ. सुब्रम्हण्यम स्वामी
ठाण्यात जितेंद्र आव्हाड समर्थकांची बॅनरबाजी सुरू झाली असून 'मी जन्मभर तुमचा ऋणी राहीन' असे जितेंद्र आव्हाड यांनी म्हटले आहे. तर जितेंद्र आव्हाड यांनी याबाबत काही माहिती नसल्याचे सांगितले आहे. ज्याचे लग्न आहे, तोच घरात बसला आहे, असा मिश्किल टोला त्यांनी लगावत याबद्दल काही माहीत नसल्याचे सांगितले.
हेही वाचा - 'त्या' मुख्याध्यापकासाठी विद्यार्थ्यांचा मोर्चा; पीडितेवर दबाव टाकण्याचा प्रयत्न
आव्हाड हे शरद पवार यांचे कडवे समर्थक म्हणून ओळखले जातात. राजकीय गुरू म्हणून ते नेहमीच शरद पवार यांचे नाव घेतात. एकवेळ राष्ट्रवादीवर टीका केली तर ते सहन करतील पण, शरद पवारांवरील टीका त्यांना सहन होत नाही. तसा अनुभव अनेकांना आला आहे.
