ठाणे : कल्याण पश्चिम भागातील सुंदर रेसीडन्सी इमारतीच्या बी विंगमध्ये काही महिन्यापूर्वीच आरोपी नितीन कांबळे हा सुरक्षा रक्षक म्हणून कार्यरत होता. यादरम्यान मृतक प्रणव याची आई कविता बरोबर त्याची मैत्री झाली. (Child Kidnapping and Murder) त्यातच गेल्या काही दिवसांपासून आरोपी व मृतकच्या आईचे वाद सुरू होते. (Little Boy Murder In Thane) ९ जानेवारी रोजी सकाळच्या सुमारास आरोपी नितीनने प्रणव शाळेतून निघाल्यानंतर शाळेच्या गेटवरून बहाण्याने त्याचे अपहरण केले. त्यानंतर दुपारी १ वाजताच्या सुमारास प्रणवची गळा दाबून हत्या केल्यानंतर त्याचा मृतदेह इमारतीच्या गच्चीवर नेत पाण्याच्या टाकीत फेकून (body thrown into water tank) दिला. (Murder Accused Arrested)
आरोपीने लिहिली सुसाईड नोट : खळबळजनक बाब म्हणजे आरोपीने हत्येचे दुष्कृत्य लपविण्यासाठी बनाव करत आपल्या फेसबुक अकांउंटवर सुसाईट नोट लिहीली. त्यामध्ये कविताने आपल्याकडून ५० हजार रुपये घेतले असून वारंवार मागणी करूनही ती पैसे परत देत नाही. शिवाय तिच्या आईकडून आपला अपमान होत असल्याने आपण आत्महत्या करत असल्याची सुसाईट नोट व्हायरल केली. एवढेच नव्हे तर आरोपीने खडकपाडा पोलीस ठाणे गाठत आपण कविता नामक महिलेच्या त्रासाला कंटाळून विषारी गोळ्या खाल्याचे सांगितले.
सीसीटीव्हीमुळे फुटले बिंग : दुसरीकडे शाळा सूटूनही आपला मुलगा शाळेतून घरी न परतल्याने घाबरलेल्या आईने शाळेत जाऊन चौकशी करत थेट पोलिसात धाव घेतली आणि आपल्या मुलाचे नितीन कांबळे याने अपहरण केल्याची तक्रार केली. या तक्रारीवरून पोलिसांना संशय आल्याने शाळा आणि इमारतीमधील सीसीटीव्ही फुटेज तपासणी करण्यात आली. यामध्ये आरोपी नितीन हा चिमुरड्याला घेऊन घटनेच्या दिवशी दुपारच्या इमारतीमध्ये आल्याचे दिसून आले.
आरोपीकडून हत्येची कबूली : पोलीस ठाण्यात बसवून ठेवलेल्या आरोपी नितीनला पोलिसांनी ताब्यात घेत चौकशी केली असता त्याने गुन्ह्याची कबुली दिली. त्यानंतर पोलिसांनी तत्काळ घटनस्थळी धाव घेऊन पंचनामा करत चिमुरड्याचा मृतदेह पाण्याच्या टाकीतून बाहेर काढून शविच्छेदनासाठी रवाना केला. मात्र आरोपीने मृतक आईशी झालेल्या पैशाच्या वादातून चिमुरड्याची हत्या केली की, आणखी काही कारण होते याचा तपास खडकपाडा पोलीस करत आहेत.
