सातारा - लोकसभा पोटनिवडणुकीदरम्यानन कराडमधील प्रचार सांगता सभेत भाजप जिल्हाध्यक्ष विक्रम पावसकर यांनी केलेल्या वत्तव्यामुळे मुस्लीम बांधवांमध्ये संताप होता. निकालानंतर प्रथमच उदयनराजे भोसले गुरूवारी कराड येथे आले होते. पंकज हॉटेलच्या हॉलमध्ये मुस्लीम बांधवांच्या बैठकीत बोलताना उदयनराजेंनी भाजप जिल्हाध्यक्षांनी केलेल्या वक्तव्याबद्दल मुस्लीम बांधवांची त्यांनी माफी मागितली आहे. यावेळी त्यांनी शरद पवार आणि खासदार श्रीनिवास पाटील यांच्यावरही टीका केली.
उदयनरोजे म्हणाले, "कराडातील त्या सभेत पावसकरांच्या भाषणावेळी जर मी व्यासपीठावर उपस्थित असतो तर भाजप जिल्हाध्यक्षाला खाली खेचले असते. माफी मागताना सुद्धा मला लाज वाटत आहे. माझ्याकडून कोणताही समाज दुखावला जाईल, असे कृत्य मी केले नाही. ते दुसर्‍यानं केले असेले तरी मी आपली माफी मागतो. समाजात सौहार्दाचे वातावरण रहावे हीच त्यामागील भावना आहे. भाजप जिल्हाध्यक्ष सुरूवातीला माझ्या प्रचारात सहभागी नव्हते. परंतु, सांगता सभेत येऊन त्यांनी माझ्या सर्व कामावर विरजण टाकले. अशा भिकारड्या प्रवृत्तीला ठेचा"
हेही वाचा - उदयनराजेंचे लवकरच पुनर्वसन होईल, खासदार नाईक निंबाळकरांचे संकेत
ज्यांना कुणाला सत्ता स्थापन करायची आहे. त्यांनी लवकर सत्ता स्थापन करावी, ही लोकांची प्रामाणि इच्छा आहे, असेही उदयनराजे म्हणाले. जिल्ह्यातील लोकांना माझी गरज असती, तर मी या घसरगुंडीवरून खाली गेलो नसतो. ही घसरगुंडी उलटी करायला फार वेळ लागणार नाही, असा इशाराही त्यांनी अप्रत्यक्षरित्या राष्ट्रवादीला दिला. त्याचबरोबर खासदार श्रीनिवास पाटील यांना काहितरी ठोस काम करण्याचा सल्ला द्यायलाही उदयनरोजे निसरले नाहित.उदयनराजेंनी आपल्यावर राष्ट्रवादीत अन्याय झाल्याची भावनादेखील यावेळी माध्यमांसमोर व्यक्त केली.
