सातारा - पंढरपूर येथे विठ्ठलाच्या दर्शनाला निघालेल्या भाविकांवर काळाने झडप घातली. म्हसवड-मायणी रस्त्यावरील कुकुडवाड घाटात जीप घरावर आदळल्याने हा अपघात झाला. यामध्ये जीपमधील ७ प्रवाशी जखमी झाले आहेत. जखमींवर वडूज येथे खासगी रुग्णालयात उपचार सुरू आहेत.
रमेश लक्ष्मण कळंत्रे (वय 42), सुगंधा रघुनाथ मोरे (वय 42), रमेश विष्णू मोरे (वय 42), अरुण लक्ष्मण मोरे (वय 40), सीता बाबासो मोरे (वय 40), सर्जेराव तातोबा चोरगे (वय 50), संतोष कृष्णा मोरे (वय 25) असे जखमी झालेल्या भाविकांचे नावे आहे. सर्वजण कुंभारगाव येथील शेंडेवाडीचे रहिवासी आहेत. हे सर्वजण आषाढी एकादशीनिमित्त पंढरपूरला विठ्ठल दर्शनासाठी जीपने जात होते. कुकुडवाड खिंडी दरम्यान चालकाचा वाहनावरीला ताबा सुटल्याने जीप भुजंग जाधव यांच्या घरावर आदळली. यामध्ये ७ जण जखमी झाले आहेत. जखमींना मायणी येथील आरोग्य केंद्रात प्राथमिक उपचार करून वडूज येथील खासगी रुग्णालयात हलवण्यात आले आहे.
