सांगलीकरांना मुसळधार पाऊसाने झोडपले!

सांगली शहराला आज दुपारी मुसळधार पावसाने झोडपून काढले. सुमारे अर्धातास झालेल्या पावसामुळे अनेक ठिकाणी पाण्याची तळी साचून राहिली होती.

सांगली - शहराला आज दुपारी मुसळधार पावसाने झोडपून काढले. सुमारे अर्धातास झालेल्या पावसामुळे अनेक ठिकाणी पाण्याची तळी साचून राहिली होती.
सांगली जिल्ह्यात अनेक भागात सकाळपासून पावसाची रिपरिप सुरू होती.

मात्र, दुपारी 3 च्या सुमारास जोरदार पावसाने हजेरी लावत सांगलीकरांना चिंब भिजवले. अर्धातास पडलेल्या या मुसळधार पावसामुळे सांगली शहरात अनेक ठिकाणी पाण्याची तळी साचली आहेत.

शहरातील गुंठेवारी भागातील नागरिकांची पावसामुळे चांगलीच दैना उडाली. सुमारे अर्धातास पडलेल्या या मुसळधार पावसामुळे मान्सून पाऊस सुरू झाल्याचे चित्र निर्माण झाले आहे.