मराठा समाजाच्या मागणीवरून नोकर भरती स्थगित केल्यास उग्र आंदोलन - प्रकाश शेंडगे

मराठा समाजाच्या मागणीवरून सरकारने नोकरभरती थांबवल्यास सरकारविरोध तीव्र आंदोलन छेडण्यााचा इशारा माजी आमदार प्रकाश शेंडगे यांनी दिला आहे. मराठा आरक्षणाचा प्रश्न सध्या सर्वोच्च न्यायालयात प्रलंबित आहे.

सांगली - मराठा आरक्षणाचा निर्णयाची सुनावणी पुढे ढकलण्यात आली आहे. त्या पार्श्वभूमीवर मराठा समाजाच्या नेत्यांनी मागासवर्गीय समाजाची नोकर भरतीही पुढे ढकलण्याच्या मागणी केली आहे. यावरून माजी आमदार प्रकाश शेंडगे यांनी टीका केली आहे. ही अत्यंत चुकीची मागणी असून राज्य शासनाने या मागणीला बळी पडू नये, अन्यथा सरकार विरोधात आंदोलन छेडू, असा इशारा प्रकाश शेंडगे यांनी दिला आहे. ते सांगलीमध्ये बोलत होते.

नोकर भरती स्थगित केल्यास रस्त्यावर उतरूसर्वोच्च न्यायालयाने मराठा आरक्षण सुनावणी 8 मार्च पर्यंत पुढे ढकली आहे. यावरून मराठा समाजाच्या नेत्यांकडून राज्य सरकारकडे राज्यातील मागासवर्गीय समाजाची नोकर भरती थांबवा, अशी मागणी करण्यात आल्याचे माजी आमदार प्रकाश शेंडगे यांनी स्पष्ट केला आहे. वास्तविकता नोकर भरती ही एससीबीसी वरती आधारीत आहे. मात्र, ओबीसी, धनगर, भटक्या जमाती अशा एससी-एसटी मधील नोकर भरतीवर स्थगिती नाही. पण आता मराठा समाजाचे नेते जोपर्यंत आरक्षणवरची सुणावणी पूर्ण होऊन स्थगिती उठत नाही, तो पर्यंत सगळ्या समाजाची भरती थांबवा, अशी मागणी करत आहेत.

मराठा समाजाच्या नेत्यांची ही मागणी अत्यंत चुकीचे आहे. त्यामुळे सरकारला आमचा इशारा आहे., सरकारने मराठा समाजाच्या मागणीला बळी पडून नोकर भरती थांबवू नये, अन्यथा राज्यातील ओबीसी व मागासवर्गीय समाजाला एकत्र करून सरकार विरोधात उग्र आंदोलन छेडु, असा इशारा माजी आमदार प्रकाश शेंडगे यांनी दिला आहे.