रत्नागिरी - त्रिपुरारी पौर्णिमेला गुहागर मधील गंगा माता मंदिर असंख्य दिव्यांनी उजळून निघाले होते. गुहागर तालुक्यातील कोंड कारूळ गावात गंगा मातेचा कुंड आहे. या ठिकाणी असलेल्या मंदिरात त्रिपुरी पौर्णिमेनिमित्त दिव्यांची आरास केली जाते. हजारो दिव्यांनी मंदीर संजवले जाते. तसेच मंदिराला विद्युत रोषणाईदेखील केली जाते. गावातील प्रत्येक नागरिक या उत्सवासाठी मंदिरात हजेरी लावतो.
हेही वाचा - त्रिपुरारी पोर्णिमेनिमित्त एक लाख दिव्यांनी सजले दगडूशेठ गणपती मंदिर
गावकऱ्यांनी लावलेल्या दिव्यांमुळे यंदाही मंदिर लक्ख प्रकाशाने उजळून निघालेले पहायला मिळाले. नागरिकांनी मोठ्या संख्येने हा सोहळा पाहण्यासाठी हजेरी लावली. गंगा मातेच्या आरतीनंतर भाविकांना महाप्रसादाचे वाटपदेखील करण्यात आले. या सोहळ्यासाठी पंचक्रोशीतील आणि तालुक्यातील हजारो भक्त दरवर्षी कोंड कारूळ गावा येतात.
