रायगड - रुग्णांवर त्वरित उपचार मिळावे यासाठी अलिबाग जिल्हा सामान्य रुग्णालय परिसरात डॉक्टर वसाहत बांधण्यात आली आहे. या वसाहतीत कुटूंबासह डॉक्टर राहत आहेत. मात्र, गेल्या काही वर्षांपासून वसाहत परिसर हा अस्वछता आणि समस्येच्या गर्तेत सापडला आहे. एकीकडे कोरोनासारख्या महामारीत डॉक्टर दिवसरात्र रुग्णांना बरे करण्यासाठी सेवा बजावत आहेत. मात्र, वास्तव्य करीत असलेल्या परिसरात पसरलेल्या अस्वच्छतेमुळे डॉक्टरांचेच आरोग्य धोक्यात आल्याचे चित्र दिसत आहे. या समस्येकडे सार्वजनिक बांधकाम विभाग, जिल्हा सामान्य रुग्णालय स्वच्छता ठेकेदार याचे दुर्लक्ष होताना दिसत आहे.
रायगड; अन् जिल्हा सामान्य रुग्णालयातील डॉक्टरांचेच आरोग्य आले धोक्यात
रायगड जिल्हा सामान्य रुग्णालय परिसरात डॉक्टरांना राहण्यासाठी तळमजलासह तीन मजल्याची इमारत बांधण्यात आली आहे. या इमारतीत १६ खोल्या असून सध्या १५ डॉक्टर आपल्या कुटूंबासह वास्तव्य करीत आहेत. इमारतीत राहण्यासाठी डॉक्टर यांच्या वेतनातून एचआरएसुद्धा कापला जातो. मात्र, अस्वच्छतेमुळे येथील डॉक्टर आता शहरात भाड्याचे घर शोधत आहेत.
रायगड - रुग्णांवर त्वरित उपचार मिळावे यासाठी अलिबाग जिल्हा सामान्य रुग्णालय परिसरात डॉक्टर वसाहत बांधण्यात आली आहे. या वसाहतीत कुटूंबासह डॉक्टर राहत आहेत. मात्र, गेल्या काही वर्षांपासून वसाहत परिसर हा अस्वछता आणि समस्येच्या गर्तेत सापडला आहे. एकीकडे कोरोनासारख्या महामारीत डॉक्टर दिवसरात्र रुग्णांना बरे करण्यासाठी सेवा बजावत आहेत. मात्र, वास्तव्य करीत असलेल्या परिसरात पसरलेल्या अस्वच्छतेमुळे डॉक्टरांचेच आरोग्य धोक्यात आल्याचे चित्र दिसत आहे. या समस्येकडे सार्वजनिक बांधकाम विभाग, जिल्हा सामान्य रुग्णालय स्वच्छता ठेकेदार याचे दुर्लक्ष होताना दिसत आहे.