रायगड - महाविद्यालयीन अल्पवयीन मुलीवर चाकूहल्ला करून फरार झालेल्या माथेफिरूला पकडण्यात पोलादपूर पोलिसांना यश आले आहे. खेडकडच्या दिशेने दुचाकीवर जात असताना आरोपीला सापळा रचून जेरबंद करण्यात आले. तर गंभीर जखमी झालेल्या तरुणीला ट्रामा केअरमधून मुंबई येथे उपचारासाठी हलवण्यात आले आहे.
हेहा वाचा - पत्नीच्या डोक्यात हातोडा मारून खून; स्वतःही घेतला गळफास, 'हे' आहे कारण
आरोपी शुभम वनारसेने समर्थ नगर येथे दबा धरून निर्जन रस्त्यावरून येणाऱ्या अल्पवयीन मुलीवर चाकूने हल्ला करून गंभीर जखमी केले. आरोपी पीडितेच्या तोंडात ओढणी कोंबून तेथून पसार झाला होता. ही घटना मंगळवारी २७ ऑगस्टला पोलादपूर सावंतकोंड समर्थनगर येथे घडली होती. तसेच गेल्या ३ दिवसांपासून पोलादपूर पोलीस आरोपीचा शोध घेत होते.
हेहा वाचा -कृत्रिम साधनाने शारीरिक संबंध ठेवणाऱ्या पती विरोधात पुण्यात गुन्हा दाखल
आरोपी शुभम हा मुंबई गोवा महामार्गाने खेडकडे जात असल्याची माहिती गुप्त खबऱ्याकडून पोलिसांना लागली होती. त्यानुसार माणगाव ते खेड यादरम्यान पोलिसांनी सापळा रचला होता. माणगाव येथून आरोपी खेडकडे जात असल्याचे पोलिसांना समजल्यावर पाठलाग केला व शिवाजी महाराज पुतळा येथे आरोपीला पकडण्यात यश आले. आरोपी शुभमला पोलिसांनी अटक केले असून गुरुवारी महाड येथे न्यायालयात हजर करण्यात आले होते.
