रायगडमध्ये पहिल्या दिवशी लॉकडाऊनचा उडाला फज्जा

लॉकडाऊनमध्ये शासकीय आणि खाजगी प्रवासी वाहतुक सुरळीत सुरू आहे. कोरोनाचे नियम पाळून प्रवास सुरू आहे. मात्र नियमाचे उल्लंघन करत खाजगी प्रवासी वाहतुक सुरू असल्याचे दिसून येत आहे.

रायगड - कोरोनाच्या वाढत्या रुग्ण संख्येच्या अनुषंगाने शासनाने पुन्हा एकदा 30 एप्रिल पर्यत राज्यात मिनी लॉकडाऊन जाहीर केले आहे. अत्यावश्यक सेवेची दुकाने सोडता इतर दुकाने बंद करण्याचे आदेश शासनामार्फत जिल्हा प्रशासनाने लागू केले आहेत. मात्र जिल्ह्यात कडक निर्बंध लागू केले असतानाही शहरातील बहुतांश दुकाने सुरू आहेत. त्यामुळे पहिल्याच दिवशी लॉकडाऊनचा फज्जा उडाल्याचे पहायला मिळत आहे.

इतर दुकानेही खुली
जिल्ह्यात शासनाच्या आदेशानुसार कडक निर्बंध लागू केले आहेत. मेडिकल, दूध, फळे, किराणा दुकान खुली ठेवून इतर दुकाने सोमवार ते शुक्रवार पर्यत बंद ठेवण्याचे आदेश प्रशासनाने काढले आहे. तर शनिवार आणि रविवार पूर्ण लॉकडाऊन जाहीर केले आहे. कोणती दुकाने खुली ठेवायची आणि कोणती बंद करायची याबाबत व्यापाऱ्यांमध्ये संभ्रम निर्माण झाल्याचे पहायला मिळत आहे. त्यामुळे पहिल्याच दिवशी बाजरपेठेतील सर्व दुकाने खुली असल्याचे चित्र आहे.

खाजगी प्रवासी वाहतुक सेवेत नियमांचे उल्लंघन

लॉकडाऊनमध्ये शासकीय आणि खाजगी प्रवासी वाहतुक सुरळीत सुरू आहे. कोरोनाचे नियम पाळून प्रवास सुरू आहे. मात्र नियमाचे उल्लंघन करत खाजगी प्रवासी वाहतुक सुरू असल्याचे दिसून येत आहे.

प्रशासनाच्या आदेशाचा उडाला फज्जा

अत्यावश्यक सेवेत असलेली दुकाने सोडून इतर सर्व दुकाने बंद करण्याचे आदेश आहे. मात्र पहिल्याच दिवशी प्रशासनाच्या आदेशाचा फज्जा उडालेला पहायला मिळाला आहे. बाजारात नागरिकांची वर्दळ नेहमी प्रमाणे पहायला मिळली आहे. त्यामुळे पहिल्याच दिवशी जिल्ह्यात लॉकडाऊन चा फज्जा उडाल्याचे दिसून आले.

हेही वाचा-अंबाबाई मंदिर पुन्हा बंद; मंदिर परिसरात शुकशुकाट

हेही वाचा-नाशकात 25 दिवसांच्या मिनी लॉकडाऊनला सुरवात; बाजारपेठेत शुकशुकाट