रायगड - मुंबई-पुणे द्रुतगती मार्गावर आज सकाळी धावत्या विंटो कारने अचानक पेट घेतला. ही कार पुण्याहून मुंबईकडे निघाली होती. चालकाच्या प्रसंगावधानामुळे प्रवाशांचा जीव वाचला. मात्र, गाडी जळून खाक झाली आहे.
गेल्या पंधरा दिवसातील महामार्गावर हा तिसरा बर्निंग कारचा थरार पहावयास मिळाला. विंटो कार चालक हा सकाळी प्रवाशांना घेऊन पुणे येथून मुंबईकडे येण्यास निघाला होता. पनवेल जवळ कार आली असता अचानक कारने पेट घेतला. कार पेटताच चालकाने प्रसंगावधान दाखवून कार बाजूला घेऊन प्रवाशांना बाहेर काढले. त्यामुळे सुदैवाने कोणतीही जीवितहानी झाली नाही. या कारला आग कशाने लागली? याचे कारण कळू शकले नाही.
