पुणे - विधानसभा निवडणुकीला अवघे काही दिवस शिल्लक राहिले आहेत. पुण्यातील प्रचारामध्ये आता एक प्रकारची चुरस पहायला मिळत आहे. हडपसर मतदारसंघात भाजपचे योगेश टिळेकर, राष्ट्रवादी काँग्रेसचे चेतन तुपे आणि मनसेचे वसंत मोरे यांच्यात तिरंगी लढत आहे. या मतदारसंघात भाजपचे योगेश टिळेकर यांच्या प्रचारासाठी बॉलिवूड अभिनेते, खासदार सनी देओल मैदानात उतरले आहेत. मतदारसंघात त्यांची मंगळवारी रॅली आयोजित करण्यात आली होती.
काही दिवसांपूर्वी राष्ट्रवादी काँग्रेसने अभिनेते, खासदार डॉ अमोल कोल्हे यांना प्रचारासाठी मैदानात उतरवले होते. हडपसर मतदारसंघातील अनेक प्रभागात त्यांची रॅली काढण्यात आली होती. त्याला प्रतिसादही चांगला मिळाला होता. यात मनसेचे उमेदवार वसंत मोरे यांच्या प्रचारासाठी सोमवारी राज ठाकरे यांची सभा पार पडली. तर, भाजपने देखील मंगळवारी सनी देओलला मैदानात उतरवले. एकुणच काय तर या मतदारसंघात 'स्टारवॉर' पहायला मिळत आहे.
हेही वाचा - ईव्हीएममध्ये नव्हे तुझ्या बोटातच घोळ आहे - अजित पवार
हेही वाचा - 'राज्यासह पुण्यात काँग्रेसचे अस्तित्वच दिसत नाही'
