पुणे - सध्या जगभरात कोरोनाने थैमान घातले आहे. कोरोना चाचणीचे कीट आयात करावे लागत होते. त्यामुळे चाचणीचा अहवाल येण्यास उशीर होत होता. यामुळे यावर मात करण्यासाठी माय लॅब फार्मा कंपनीने कीट विकसीत करण्यास सुरुवात केली. यामध्ये संशोधन आणि विकास विभागाच्या प्रमुख म्हणून मिनल दाखवे-भोसले या गरोदर असताना हे कीट विकसीत केले आहे.
हे कीट विकसीत करत असताना प्रसुतीसाठी केवळ काहीच कालावधी शिल्लक राहिला होता. पण, मिनल यांनी याची पर्वा न करता कीट विकसीत करण्याचे काम सुरूच ठेवले. कीट विकसीत झाल्यानंतर त्याला मान्यताही मिळाली आहे. कीट विकसीत झाल्यानंतर काही वेळातच मिनल यांनी बाळाला जन्म दिला.
हेही वाचा - दिलासा..! पिंपरी-चिंचवडमधील 5 कोरोनाग्रस्तांची पहिली चाचणी निगेटिव्ह
