पुणे - काही दिवसांवर आलेल्या आषाढी वारीची आळंदीत तयारी सुरु झाली आहे. यासाठी 'चला वारी'ला या टीमच्या माध्यमातून 'वारी स्वच्छतेची, पवित्र इंद्रायणीची' हे अभियान राबविण्यात आले. या अभियानाच्या माध्यमातून इंद्रायणी नदीमधील मैला, निर्माल्य, कचरा, प्लॅस्टीक, कपडे व इतर अस्वच्छ पदार्थ बाहेर काढण्यात आले.
आळंदीत 'वारी स्वच्छतेची, पवित्र इंद्रायणीची' अभियान
नदी स्वच्छता ही पर्यावरण समतोल साधण्यासाठी महत्त्वाची बाब आहे. नदीमधील प्रदूषण ही समस्या मोठ्या प्रमाणात निर्माण झाली आहे. येणाऱ्या काळात आषाढी वारीसाठी भाविक भक्तांच्या आरोग्याच्या हेतूने इंद्रायणी स्वच्छ करण्याची मोहीम राबविण्यात आली.
