पुणे : पोलिसांनी दिलेल्या माहितीनुसार, ओंकार संदीप बोत्रे (वय २१, रा. सावित्रीबाई फुले पुणे विद्यापीठ सेवक वसाहत) आणि प्रतीक संतोष मदने (रा. सावित्रीबाई फुले पुणे विद्यापीठ) हे श्वानाला फिरायला घेऊन सावित्रीबाई फुले पुणे विद्यापीठाच्या आवारात बाहेर पडले होते. त्यावेळी दोघांच्या श्वानांमध्ये भांडणे (fight between two dogs) झाली.
प्रतीक मदने याच्या विरोधात फिर्याद दाखल : त्यावेळी प्रतीकने श्वानांचे भांडण सोडव, असे ओंकारला सांगितले. मात्र ओंकारने मी श्वानांच्या भांडणात पडणार नाही असे सांगितले आणि तिथून निघून गेला. याचाच राग प्रतीकला आला आणि प्रतिकने मागून जात श्वानाच्या चामड्याच्या पट्ट्याने ओंकारवर हल्ला चढवला. या हल्ल्यात ओंकार जखमी झाला. त्यात ओंकारच्या डोक्याला दुखापत झाली. त्यानंतर ओंकार बोत्रे याने प्रतीक मदने याच्या विरोधात फिर्याद दाखल केली आहे (complaint was filed in police station). यासंबंधी पोलीस नाईक रायकर अधिक तपास करत आहेत.
