परभणीत 6 कोरोना पॉझिटिव्ह रुग्ण वाढले; रुग्णांची संख्या 80 वर

परभणीतील कोरोनाबाधित रुग्णांची संख्या 80 वर पोहोचली असून 2 जणांचा मृत्यू झाला आहे. कोरोना रुग्णालयात 77 जणांवर उपचार सुरु असून 1 जण कोरोनामुक्त झाला आहे.

परभणी - जिल्ह्यात शनिवारी 6 कोरोनाबाधित रुग्णांची भर पडली आहे. त्यानुसार परभणी जिल्ह्यात आता पॉझिटिव्ह रुग्णांची संख्या 80 वर जाऊन पोहचली आहे. त्यापैकी दोघांचा मृत्यू झालाय. एक जण कोरोनामुक्त झाल्याने 77 रुग्णांवर उपचार सुरू आहेत.

परभणी जिल्हा रुग्णालयात शनिवारी रात्री उशिरा आलेल्या अहवालात गंगाखेड तालुक्यातील नागठाणा येथील 1 तर परभणी शहराच्या ईटलापुर मोहल्ला भागातील 3 आणि जिंतुरच्या सावंगी भांबळे येथील 2 अशा एकुण 6 जणांचे अहवाल पॉसिटीव्ह आढळून आले आहेत.