माहीममधील हरणवाडीला पुरवठा करणारी टाकी कोसळली, सुदैवाने जीवीतहानी टळली

अवघ्या ५ ते ६ वर्षांपूर्वी या टाकीचे बांधवकाम करण्यात आले होते. निकृष्ट बांधकामामुळे ही टाकी कोसळल्याने याची उच्चस्तरीय चौकशी व्हावी, अशी मागणी ग्रामस्थांनी केली आहे.

पालघर - माहीम ग्रामपंचायत हरणवाडी गावाला पाणी पुरवठा करणारी पाण्याची टाकी कोसळल्याची घटना घडली आहे. या घटनेमध्ये टाकीजवळ उभे असलेले 3 जण थोडक्यात बचावले आहेत.

आज सकाळीच या टाकीत पाणी भरण्यात आल्याचे उपसरपंच नरोत्तम राऊत यांनी सांगितले. अवघ्या ५ ते ६ वर्षांपूर्वी या टाकीचे बांधकाम करण्यात आले होते. निकृष्ट बांधकामामुळे ही टाकी कोसळल्याने या घटनेची उच्चस्तरीय चौकशी व्हावी, अशी मागणी ग्रामस्थांनी केली आहे.