पालघर - शारदीय नवरात्रोत्सवात विरार आगाशी येथील विष्णूमंदिरात गेली एक्कावन्न वर्षे अष्टमीला तांदळाच्या पिठापासून महालक्ष्मी देवीची मूर्ती साकारण्यात येते. पंचक्रोशीतील महिला मध्यरात्रीपर्यंत या देवीचे दर्शन घेण्यासाठी मोठी गर्दी करत असतात.
हेही वाचा - 'आरे'मधील झाडे रात्री तोडली, 'मनुष्यवधाचा गुन्हा दाखल करा'
आगाशी येथील सव्वाशे वर्षे जून्या विष्णू मंदिरात अष्टमीला संध्याकाळी तांदळाच्या पिठापासून मूर्तीचा मुखवठा साकारण्याची परंपरा आहे. साडी-चोळी नेसवून देवीची विधीवत पूजा केली जाते. खणा-नारळाची ओटी भरल्यानंतर देवीचे दर्शन भाविकांना देण्यास सुरुवात करण्यात येते. रात्री बारा वाजेपर्यंत दर्शनासाठी भाविक मोठी गर्दी करतात.
महालक्ष्मी देवीचा जागर मध्यरात्री उशीरापर्यंत सुरू असतो. झिम्मा-फुगडी व देवीची गाणी गात तसेच घागर फुंकून महिला वर्ग रात्रीपर्यंत जागरण करतात. त्यानंतर उत्तररात्री दोन वाजताच्या पुढे देवीचे वाहत्या पाण्यात विसर्जन करण्यात येते.
हेही वाचा - आरे प्रकरणी पर्यावरणप्रेमींकडून खोटा प्रचार -मुंबई मेट्रो प्रमुख अश्विनी भिडे
बाईक 1 : प्रभावती कुलकर्णी, महिला मंडळ अध्यक्ष आगाशी
बाईट 2 : डाॅ.सुषमा जोगळेकर,माजी महिला अध्यक्षा आगाशी
