पालघर - मुंबई-अहमदाबाद राष्ट्रीय महामार्गावर मेंढवन खिंडीत कारचा भीषण अपघात झाला. मुंबईहून सुरतच्या दिशेने जात असताना ही घटना घडली असून अपघातात एकाचा मृत्यू झाला, एक महिला गंभीर जखमी झाली आहे. मृत व्यक्ती बहुजन विकास आघाडीचे विधी सेलचे जिल्हाध्यक्ष असून ते पेशाने वकील असल्याचे समजते.
संबंधित व्यक्ती मुंबईवरून कारने सुरतला जात होते. कार मुंबई-अहमदाबादवरील मेंढवन खिंडीत आली असता चालकाचे गाडीवरील नियंत्रण सुटले. त्यामुळे कारचा अपघात झाल्याची प्राथमिक माहिती मिळाली. माहिती मिळताच पोलीस घटनास्थळी दाखल झाले असून जखमींना कासा उपजिल्हा रुग्णालयात उपचारासाठी हलविण्यात आले आहे.
