पालघर - जिल्ह्यातील शाळा व महाविद्यालयांना सोमवारी (5 ऑगस्ट) सुट्टी देण्याचा निर्णय राज्य शासनाने घेतला आहे. जिल्हाधिकारी डॉ. कैलास शिंदे यांनी विद्यार्थ्यांच्या सुरक्षिततेच्या दृष्टीने जिल्ह्यातील सर्व शाळांना सुट्टी जाहीर केली. हवामान विभागाने पुढील 48 तासांमध्ये अतिवृष्टीचा इशारा दिल्याने हा निर्णय घेण्यात आला.
शासकीय कार्यालयातील कर्मचाऱ्यांना पावासामुळे कामावर पोहोचण्यास विलंब झाल्यास सवलत देण्याचा देखील निर्णय घेण्यात आला आहे. मात्र, सोमवारी सर्व अत्यावश्यक सेवा सुरु राहणार आहेत.
अतिवृष्टीचा इशारा लक्षात घेता मुंबई महानगर प्राधिकरण क्षेत्रातील नागरिकांनी सोमवारी (5 ऑगस्ट) आवश्यक काम असल्याशिवाय घराबाहेर पडू नये. असे आवाहन देखील राज्य शासनाकडून करण्यात आले आहे.
