पालघर/विरार - विरारमध्ये भररस्त्यात एक महिला व रिक्षाचालक या दोघांमध्ये हाणामारी होत असल्याचा व्हिडिओ सोशल मीडियावर चांगलाच व्हायरल होत आहे. बुधवारी दुपारी विरार पश्चिम अग्रवाल सिटी परिसरातील रिक्षा थांब्यावर स्कुटीवर स्वार महिला व रिक्षाचालक समोरासमोर आल्याने दोघांमध्ये अपघात होता होता वाचला होता.
हेही वाचा - मला जाणीवपूर्वक अडचणीत आणण्याचा प्रयत्न होतोय; माजी मंत्री पंकजा मुंडे
याच वादातून या महिलेने सोबत असलेला चाकू काढून रिक्षाचालकावर चाकूने हल्ला केला. त्याला उत्तर देत रिक्षाचालकानेही महिलेला मारहाण केली. दरम्यान, दोघांमध्ये झालेल्या हाणामारीचा हा प्रकार इतर रिक्षाचालकांनी आपल्या मोबाईल कॅमेऱ्यात कैद केला. मंजिती कौर असे महिलेचे नाव असून, दुर्गेश पाटील असे रिक्षाचालकाचे नाव आहे. याप्रकरणी महिला व रिक्षाचालकाने दिलेल्या तक्रारीवरून अर्नाळा सागरी पोलीस ठाण्यात एकमेकांविरोधात दिलेल्या तक्रारीवरून परस्पर दोघांवर गुन्हे दाखल करण्यात आले आहेत.
