उस्मानाबाद - शहराच्या जवळील औरंगाबाद-सोलापूर या राष्ट्रीय बायपास महामार्गावर डी मार्ट समोर आज ट्रक आणि पिकअप वाहनांचा जोरदार अपघात झाला. या अपघातात २ युवकांचा जागीच मृत्यू झाला असून १ जण गंभीर जखमी झाला आहे.
घटनास्थळावरील दृश्ये
उस्मानाबाद तालुक्यातील घोगरेवाडी येथील युवक तुळजापूरला भाजीपाला खरेदी करण्यासाठी निघाले होते. पिकअप (एम एच २४ जे ५९०६ डी) डी मार्ट जवळ आल्यानंतर ट्रक (एम एच १२ एच बी ६६४५) ने मागून जोरात धडक दिली. या अपघातात दादासाहेब व्यंकट झांजे (२०) आणि रमेश श्रीकृष्ण झांजे (२१) यांचा मृत्यू झाला. तर सुरज शिवाजी साळुंखे (२६) हे जखमी झाले आहेत. हा अपघात एवढा गंभीर होता की पिकअप पूर्ण उलटा होऊन याची दोन्ही चाके निखळली आहेत.
