उस्मानाबाद - उपमुख्यमंत्री अजित पवार यांना कोरोनाच्या प्रादुर्भावातून लवकरात लवकर बरे होण्यासाठी कार्यकर्त्यांनी तुळजाभवानीची महाआरती करत साकडे घालण्यात आले.
कोरोनाचा प्रादुर्भाव हळूहळू कमी होत चालला असला तरी सर्वसामान्यांपासून ते राजकीय नेत्यांनाही कोरोनाची बाधा झाली आहे. कोरोनाची लागण होऊ नये म्हणून राजकीय नेत्यांकडून आवाहन करण्यात येत होते. काळजी घेण्याचा सल्ला दिला जात होता. मात्र, तरीही कोरोना बाधित रुग्णांची संख्या दिवसेंदिवस वाढत गेली.
कोरोना सारख्या आजारातून उस्मानाबाद जिल्ह्याचा जावई आणि महाराष्ट्राचे उपमुख्यमंत्री अजित पवार हे देखील वाचू शकले नाहीत. त्यामुळे जिल्ह्यातील राष्ट्रवादी पक्षाच्या कार्यकर्त्यांनी अजित पवार हे पुन्हा आपल्या कार्यात सक्रिय व्हावे, यासाठी श्री क्षेत्र तुळजापूर येथे श्री तुळजाभवानीच्या महाद्वारासमोर महाआरती करुन साकडे घालण्यात आले.
हेही वाचा - धक्कादायक : लॉकडाऊनमध्ये तब्बल 34 महिलांवर अत्याचार, सर्व आरोपी अटकेत
