नाशिक - राम मंदिरांचा विषय पुन्हा एकदा चर्चेत आला आहे. 'राम मंदिराचे स्वप्न लवकरच पूर्ण होणार असून थोड्याच दिवसात त्याबाबत निर्णय होईल. शिवाय सत्याचा विजय अखेरीस होत असतो', असे विधान अध्यात्मिक गुरू श्री श्री रवीशंकर यांनी नाशिकमध्ये केले.
हेही वाचा - भारताचे उर्जा क्षेत्रात १०० अब्ज डॉलर गुंतवणूक करण्याचे उद्दिष्ट निश्चित - पंतप्रधान मोदी
नाशिकमध्ये भाऊबीजेच्या निमित्ताने भाऊबीज दीपमीलनाचा कार्यक्रम आयोजित करण्यात आला होता त्यावेळी रवीशंकर बोलत होते. भाऊबीजचे औचित्य साधून नाशिकच्या तपोवनात होम हवनच्या माध्यमातून धार्मिक कार्यक्रमाला सुरवात करण्यात आली. या कार्यक्रमाला हजारो भक्तांनी उपस्थित नोंदवली होती. श्री श्री रविशंकर यांनी रॅम्पवर चालून भक्तांना अभिवादन केले.
ऐन दिवाळीत नाशिक शहरात पहिल्यांदाच श्री श्री रविशंकर यांच्या उपस्थितीत कार्यक्रम होत असल्याने त्यांच्या अनुयायी मोठी गर्दी केली होती. तब्बल २० हजार बहीणभावांनी येथे अनोखी भाऊबीज साजरी केली.
