नाशिक - निफाड तालुक्यातील नैताळ्यांच्या यात्रेत चार वर्षाच्या चिमुरडीवर एका नराधमाने बलात्कार केल्याची धक्कादायक घडली आहे. संशयित नराधमाला यात्रेतील नागरिकांनी चोप देत पोलिसांच्या ताब्यात दिले आहे. सुदाम भिकाजी सोनवणे (रा. कोळवाडी, ता. निफाड) असे संशयित आरोपीचे नाव असून त्याच्या विरुध्द निफाड पोलिसांत पोस्को कायद्यांतर्गत बलात्काराचा गुन्हा दाखल केला आहे.
हेही वाचा - साताऱ्यात अल्पवयीन मुलीचे अपहरण, पोलिसांच्या दक्षतेने तीन आरोपी गजाआड
पीडित चिमुकलीच्या कुटुंबांनी दिलेल्या माहिती नुसार निफाड तालुक्यातील नैताळे येथे यात्रा सुरु आहे. पीडित मुलीचे कुटुंब यात्रेत रोजगारासाठी आले होते. 14 जानेवारीच्या रात्री 8 वाजता मुलगी अचानक कामाच्या ठिकाणाहुन बेपत्ता झाल्याचे घरच्यांच्या लक्षात आले. पीडित मुलीच्या कुटुंबीयांनी मुलीचा शोध घेतला असता यात्रेबाहेर एक जण मुलीला हाताला धरून विंचूरच्या दिशेने घेऊन जाताना आढळून आला.
हेही वाचा - जळगावात घरगुती कारणावरून पित्याने केली मुलीची हत्या
पीडित मुलीच्या वडिलांनी त्या व्यक्तीकडे माझ्या मुलीला कुठे घेऊन जात आहे, अशी विचारणा केली. यावर त्याने तुम्हाला मुलांना संभाळता येत नाही, असे म्हणत मुलीला वडिलांकडे देऊन पळून जाण्याचा प्रयत्न केला. मात्र, त्याच वेळी संशयित व्यक्तीच्या शर्टवर आणि हातावर तसेच मुलीच्य कपड्यांवर रक्ताचे डाग दिसून आल्याने मुलीवर अत्याचार झाल्याचा संशय पीडित मुलीच्या वडिलांना आला.
हेही वाचा - नांदेडमध्ये एकाच रात्रीत तीन दुकाने फोडली; जिल्ह्यात चोरीच्या घटनेत वाढ
मुलीच्या वडिलांनी भावाला बोलवून मुलीसह संशयित आरोपीला घेवून पोलीस ठाण्यात नेले. यावेळी यात्रेतील नागरिकांनी संशयित आरोपीला बेदम चोप दिला. पीडित मुलीच्या वडिलांच्या तक्रारीवरून निफाड पोलीस ठाण्यात संशयित आरोपी सोनवणे विरोधात बालकांचे लैंगिक अत्याचारापासून संरक्षण कायद्यांतर्गत बलात्काराचा गुन्हा दाखल केला आहे.
