नंदुरबार - दारूच्या नशेत एकाने पाण्याच्या टाकीवरुन उडी मारुन आत्महत्या केल्याची घटना नंदुरबार शहरात घडली आहे. याबाबत नंदुरबार शहर पोलीस ठाण्यात अकस्मात मृत्यूची नोंद करण्यात आली आहे.
हेही वाचा -
फ्लॅट खरेदीसाठी विवाहितेचा छळ; 2 कोटीं न दिल्याने घराबाहेर हाकलले
नंदुरबार शहरातील खोडाईमाता परिसरात राहणारा संतोष बाबु वडार (वय-42) यास दारूचे व्यसन होते. काल (मंगळवारी) दुपारी दारूच्या नशेत अमर चित्र मंदिराजवळ असलेल्या नंदुरबार पालिकेच्या उंच पाण्याच्या टाकीवर चढुन संतोष वडार याने उडी मारण्याचा प्रयत्न केला. दरम्यान, पाण्याच्या टाकीखाली मोठ्या प्रमाणावर गर्दी झाली. अनेकांनी संतोष वडार यास खाली उतरण्याची विनंती केली. मात्र, त्याने त्याकडे दुर्लक्ष केले. मात्र, अशातच त्याचा अचानक तोल गेला व खाली कोसळला.
गंभीर जखमी अवस्थेतील संतोष वडार याला शहर पोलीस ठाण्याच्या वाहनाद्वारे तत्काळ उपचारासाठी नंदुरबार जिल्हा रूग्णालयात दाखल करण्यात आले. उपचार सुरू असताना संतोषचा मृत्यू झाला. राजू वामन वडार याच्या सांगण्यावरुन पोलीस ठाण्यात अकस्मात मृत्यूची नोंद करण्यात आली आहे.
हेही वाचा -
