नंदुरबार - शहादा - लोणखेडा बायपासवर बोलेरो व मोटारसायकलची समोरासमोर भीषण धडकेत मोटरसायकलस्वार जागीच ठार झाला आहे. तर सहा जण जखमी झाले असून जखमींना तातडीने म्हसावद ग्रामीण रुग्णालयामध्ये उपचारांसाठी दाखल करण्यात आले आहे. अजय सुभाष मोरे ( वय, 25 रा. कळंबू ता. शहादा ) असे मृत व्यक्तीचे नाव आहे. तर सागर सोमा सोनवणे ( रा. कळंबू ता. शहादा) असे गंभीर जखमीचे नाव आहे. शिवाय इतर जखमींना नंदुरबार जिल्हा रुग्णालयात पुढील उपचारासाठी दाखल करण्यात आले आहे. अपघाताची माहिती मिळताच परिसरातील नागरिकांनी मदतकार्य केले.
शहादा-लोणखेडा बायपास रस्त्यालगत असलेल्या पाटीदार मंगल कार्यालयासमोर बोलेरोतील लोक (क्र. एम. एच. 39, जे.3790) सिंधिदिगर येथील रहिवासी होते. तर कळंबू येथील दोघे म्हसावद येथे लग्नासाठी दुचाकीने ( क्र. एम. एच. 39- पी. 8554 ) जात असताना बोलेरो व मोटारसायकलची समोरासमोर धडक झाली. अपघात घडताच नागरिकांनी मोठी गर्दी केली होती.
हेही वाचा - Mcoca act : नागपूर पोलिसांची कारवाई; तीन टोळ्यांवर लावला मोक्का
