आयडीबीआय बँक हॅकिंग प्रकरणात तिघांना अटक; न्यायालयाकडून १० दिवसांची पोलीस कोठडी

आयडीबीआय बँकेचे अकाऊंट हॅक करून १४ कोटी ४६ लाख रुपयांचा गंडा घातला होता. या हॅकिंग प्रकरणाचा उलगडा लवकरच होण्याची शक्यता आहे. या प्रकरणात पोलिसांनी तीन संशयितांना ताब्यात घेतलं असून त्यांना १० दिवसांची पोलीस कोठडी सुनावण्यात आली आहे.

नांदेड - आयडीबीआय बँक हॅकिंग प्रकरणाचा उलगडा लवकरच होण्याची शक्यता आहे. या प्रकरणात पोलिसांनी तीन संशयितांना ताब्यात घेतलं आहे. गुरुवारी यापैकी दोघांना नांदेड सत्र न्यायालयात हजर करण्यात आले होते. न्यायालयाने आरोपींना दहा दिवसांची पोलीस कोठडी सुनावली आहे.

कोल्हापूर, यवतमाळ आणि दिल्ली येथून संशयितांना अटक-

आयडीबीआय बँकेचे अकाऊंट हॅक करून १४ कोटी ४६ लाख रुपयांचा गंडा घातला होता. यानंतर सायबर सेलने तपासाची चक्रे वेगाने फिरवली आहेत. या प्रकरणात नांदेड पोलीसांनी तिघांना अटक केली आहे.
कोल्हापूर, यवतमाळ आणि दिल्ली येथील प्रत्येकी एका संशयिताला ताब्यात घेतलं आहे. संशयित आरोपींमध्ये दोन महिलांचा देखील समावेश आहे.

NEFT आणि RTGS मार्फत वळवली होती रक्कम-

वजीराबाद चौकातील आयडीबीआय बँकेत शंकर नागरी सहकारी बैंकेचे खाते आहे. २ डिसेंबर २०२० ते १ जानेवारी २०२१ दरम्यान एका हॅकरने बँकेचे खाते हॅक करून त्यातून एनईएफटी आणि आरटीजीएसद्वारे तब्बल साडे चौदा कोटी रुपये इतर खात्यात वळवले. फसवणूक झाल्याचं लक्षात आल्यानंतर शंकर नागरी सहकारी बँकेने वजिराबाद आणि शिवाजीनगर पोलीस ठाण्यात तक्रार केली होती.

पोलिसांच्या तपासाला वेग -पोलिसांनी तपासाची चक्रे फिरवली आहेत. या प्रकरणात तिघांना अटक करण्यात आली आहे. दिल्ली येथून वाजीराबाद पोलिसांनी एका संशयिताला ताब्यात घेतलं आहे, तर कोल्हापूर आणि यवतमाळ येथून दोन महिलांना देखील या प्रकरणात पोलिसांनी अटक केली. हॅकरने यातील एका महिलेच्या खात्यात ४ लाख तर दुसऱ्या महिलेच्या खात्यावर २ लाख रुपये वळविल्याची माहिती आहे. यातील एक महिला शिक्षिका आहे.३० जानेवारी पर्यंत पोलीस कोठडी-आयडीबीआय हॅकिंग प्रकरण हे एका व्यक्तीने केली फसवणूक नाही. तर या प्रकारांनात अनेक आरोपींचा सहभाग असू शकतो असा संशय व्यक्त केला जात आहे. हॅकर्सने साडे चौदा कोटीची रक्कमही एका खात्यात जमा केलेली नाही तर अनेक खात्यावर ही रक्कम वळवली आहे. या दोन्ही महिलेला आज न्यायालयात हजर करण्यात आले. न्यायालयाने ३० जानेवारीपर्यंत पोलीस कोठडी सुनावली आहे. दरम्यान दिल्ली येथून अटक करण्यात आलेल्या संशयित व्यक्तीला शुक्रवारी नांदेडमध्ये आणलं जात आहे. यामुळे या तपासाची व्याप्ती वाढण्याची शक्यता आहे.