नागपूर - शहरालगत असलेल्या महालगाव कापशी परिसरात आरामशीनला मोठी आग लागल्याची घटना आज पहाटेच्या सुमारास घडली आहे. अग्निशमन विभागाच्या ८ प्रवर्गातील १० गाड्या आग विझविण्याकरिता घटनास्थळी दाखल झाल्या आहेत. आरामशीनला आग लागण्याचे कारण अद्याप समजू शकले नाही.
महालगाव परिसरात सॉ मिलला लागलेल्या आगीत कोट्यवधींचे लाकूड जळून खाक झाले आहे.
महत्त्वाचे म्हणजे नागपुरातील २०० सॉ मिलला (आरामशीन) अग्निशामक विभागाची एनओसीच नाही. परिसरात मोठ्या प्रमाणात आरामशीन आहेत. सहा सॉ मिल आगीच्या भक्ष्यस्थानी आल्याने चार सॉ मिल जळून खाक झाल्या आहेत. या आगीमध्ये कोट्यवधी रुपयांचे लाकूड जळून खाक झाले आहे. या आगीत सुदैवाने कुठलीही जीवितहानी झाली नाही.
