नागपूर - आमदार रोहित पवार हे माजी गृहमंत्री अनिल देशमुख यांच्या वाढदिवसानिमित्त (ता. 9) मे रोजी काटोलमध्ये विकासकामाच्या भूमीपूजन कार्यक्रमासाठी नागपूर दौऱ्यावर होते. दौऱ्यावर असताना अनिल देशमुखांच्या मतदारसंघातील सोनोली गावातील राष्ट्रवादीचे पदाधिकारी प्रवीण मुनिराज राजणे यांच्या निवासस्थानी भेट दिली. यावेळी विदर्भातील अस्सल गोड पदार्थ आणि खास पाहुणचारासाठी असलेल्या पुरणपोळीचा आस्वाद घेतला. एवढेच नाही तर पुरणपोळी बनवण्याचाही प्रयत्न केल्याचे फोटो आमदार रोहित पवार यांनी सोशल माध्यमांवर शेअर केलेत.
