मुंबई- गेल्या सहा महिन्यांपासून पर्यटन उद्योग बंद आहे. लॉकडाऊनचा सर्वात जास्त फटका पर्यटन व्यवसायालाही बसला आहे. मुंबईत अनेक प्रेक्षणीय स्थळे आहेत. ही स्थळे पाहण्यासाठी रोज हजारो पर्यटकांची गर्दी असते. मात्र, लॉकडाऊनमुळे पर्यटनस्थळे ओस पडली आहेत.
गेट वे ऑफ इंडिया आणि ताज हॉटेल बघण्यासाठी पर्यटकांची मोठी गर्दी व्हायची. यातून फोटोग्राफर, हॉटेल व्यावसायिक, रस्त्यांवर आईस्क्रीम आणि भेळपुरी विकणारे आदी छोट्या-मोठ्या व्यावसायिकांचे उदरनिर्वाह व्हायचा. मात्र, कोरोनामुळे या सर्वांचा व्यवसाय ठप्प झाला आहे.
गेट वे ऑफ इंडिया येथे जवळपास २००पेक्षा जास्त फोटोग्राफर आहेत. त्यांचा व्यवसाय बुडाला आहे. एरवी दिवसाला ४०० ते ५०० रुपये कमाई व्हायची. गेल्या ३-४ दिवसांत काही पर्यटकांमुळे थोडी फार कमाई होत आहे. मात्र, त्यातून घरखर्च निघत नाही अशी अवस्था आहे, असे हे फोटोग्राफर सांगतात.
हेही वाचा- नायगाव बीडीडी चाळ पुनर्विकास : आता 'हे' करणार एल अँड टीची मनधरणी
