नरेंद्र मोदी, योगी आदित्यनाथ यांना जीवे मारण्याची धमकी देणाऱ्याला अटक; धक्कादायक कारण आलं समोर

Narendra Modi Yogi Adityanath Threat : पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांना सोमवारी रात्री जीवे मारण्याची धमकी देण्यात आली होती. याप्रकरणी पोलिसांनी आरोपीला अटक केली आहे. त्याने ही धमकी का दिली? यासाठी वाचा ही बातमी...

मुंबई Narendra Modi Yogi Adityanath Threat : पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांना अंडरवर्ल्ड डॉन दाऊद इब्राहिमच्या नावाने जीवे मारण्याची (PM Narendra Modi Threat) धमकी दिली होती. या प्रकरणी मुंबई पोलिसांनी कामरान अमिर खान नावाच्या तरुणाला मंगळवारी चुनाभट्टी येथून अटक करण्यात आली (Mumbai Police) आहे. त्याची प्रकृती ठीक नसल्याने तो जे जे रुग्णालयात उपचार घेण्यासाठी गेला होता. मात्र, कामरानला उपचार चांगले न मिळाल्याने त्याने हा हॉक्स कॉल केल्याचे तपासात निष्पन्न झाले. तसेच आरोपी कामरानचे वैद्यकीय उपचाराच्या कागदपत्रांची पडताळणी सुरु असल्याची माहिती आझाद मैदान पोलीस ठाण्याचे वरिष्ठ पोलीस निरीक्षक नितीन तडाखे यांनी दिली.

काय दिली होती धमकी? : आझाद मैदान पोलीस सूत्रांनी सांगितले की, कामरान खानने सोमवारी सायंकाळी मुंबई पोलीस नियंत्रण कक्षाला फोन केला आणि धमकी दिली की, अंडरवर्ल्ड डॉन दाऊद इब्राहिमच्या गुंडाने त्याला भारताचे पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांच्यावर बॉम्ब हल्ला करण्यास सांगितले.