मुंबई - भारतीय रेल्वेने देशातील महत्त्वाच्या मार्गांवर प्रवासी रेल्वे सेवा अंशतः पुन्हा सुरू केली आहे. प्रवासा दरम्यान कोरोनाची लक्षणे असलेल्या प्रवाशांना प्रभावीपणे स्कॅन करण्यासाठी मध्य रेल्वेने छत्रपती शिवाजी महाराज टर्मिनस (सीएसएमटी) आणि लोकमान्य टिळक टर्मिनस (एलटीटी) येथे इन्फ्रारेड कॅमेऱ्याच्या माध्यमातून स्क्रीनिंग सुविधा स्थापन केली आहे. ही प्रणाली कोरोना विषाणूच्या संसर्गाचा प्रसार होऊ नये, म्हणून रेल्वे प्रवाशांसाठी विनास्पर्श तपासणी करते.
स्वयंचलित तिकीट तपासणी आणि व्यवस्थापन मशीन प्रवाशांच्या सुरक्षेच्या दृष्टीने हा मध्य रेल्वेचा एक प्रयत्न आहे. फेब्रीआय या मानवी शरीर तपासणी सुविधेसाठी मध्य रेल्वेचे महाव्यवस्थापक संजीव मित्तल यांनी मध्य रेल्वेच्या अधिकारी आणि कर्मचार्‍यांचे कौतुक केले.
मध्य रेल्वेचे मुख्य जनसंपर्क अधिकारी शिवाजी सुतार म्हणाले, फेब्रीआय थर्मल कॅमेरे मोठ्या क्षेत्राला कव्हर करू शकतात. या माध्यमातून प्रवेशाच्या एकाच ठिकाणी अनेक लोकांचे तापमान होऊ शकते. प्रवासी चालत असतानाच तापमान आपोआप रेकॉर्ड होऊ शकते. सध्या सीएसएमटी आणि एलटीटी रेल्वे स्थानकांवर सर्व प्रवाशांचे फलाटावर जाण्यापूर्वी प्रवेश द्वारात फेब्रीआयद्वारा स्क्रिनिंग केले जात आहे.
या दोन मोठ्या स्थानकांवर ड्युटीवर येणाऱ्या सर्व रेल्वे कर्मचारी आणि अधिकाऱ्यांचीही या कृत्रिम बुद्धिमत्ता (आर्टिफिशियल इंटेलिजेंस) आधारित कॅमेर्‍याच्या माध्यमातून तपासणी केली जात आहे.
स्थानकांत प्रवेश केलेल्या व्यक्तीला जास्त ताप नाही याची खात्री करण्यासाठी, वास्तविक वेळ, स्वयंचलित आणि अनाहूत देखरेखीसाठी कृत्रिम बुद्धिमत्ता आधारित फेब्रीआय ही थर्मल स्क्रीनिंग सिस्टम आहे. फेब्रीआय ‘ब्लॅक बॉडी’ सह सज्ज आहे, जे एक तापमान सतत स्तोत्र ०.३ डिग्री सेल्सियस पर्यंत कमी-अधिक (+/-) अचूकता सुनिश्चित करते. फेब्रीआय उष्णतेचे सेन्सर वापरते जे एखाद्या व्यक्तीच्या शरीरातील किंवा एखाद्या वस्तूतील उत्पन्न उष्णता रेकॉर्ड करू शकते. तसेच तापमानाच्या भिन्न पातळीसह 2 डी प्रतिमा तयार करते.
जेव्हा प्रवाशी कॅमेऱयासमोरून जातील तेव्हा ज्या व्यक्तीला सेट केलेल्या श्रेणीपेक्षा जास्त तापमान असेल तर कॅमेर्‍याशी जोडलेल्या संगणकाच्या स्क्रीनवर उर्वरित रंगाच्या पॅटर्नमध्ये भिन्न रंग दर्शविले जाते. मानवी शरीर तपासणी करिता मध्य रेल्वेने सुरू केलेली फेब्रीआय ही सुविधा रेल्वेने सुरू केली. आधुनिक सुरक्षा उपायांच्या दृष्टीने टाकलेले आणखी एक पाऊल आहे.
वैशिष्ट्ये -
- कपाळाचे तापमान मोजते
- सोशल डीस्टसिंग साठी महत्त्वपूर्ण
- विनास्पर्श शोध - ड्युअल (थर्मल + दृष्टी) कॅमेराब्लॅक बॉडीसह ०.३ अचूकता
- सोयीस्कर तैनाती
- उच्च क्षमता
- प्रत्यक्ष वेळेत इशारा
