मुंबई - शहरात पावसाने चांगली हजेरी लावली आहे. कालपासून मुसळधार पाऊस सुरू आहे. या जोरदार पावसामुळे दादर आणि हिंदमाता परिसरात पाणी भरले आहे. त्यामुळे वाहतुकीची कोंडी पाहायला मिळाली. तर दुपारी दीड वाजण्याच्या सुमारास हायटाईड येणार असल्याने समुद्रावर कोणीही जाऊ नये, असे आवाहन करण्यात आले आहे.
पावसामुळे मुंबईतील रस्ते असे पाणीमय झाले आहेत
पावसाच्या पाण्यामुळे नागरिकांचे मोठे हाल होत आहेत. काही ठिकाणी दुचाक्या पाण्यामुळे बंद पडत असल्याने दुचाकीस्वारांना गाड्या ढकलत न्यावे लागत आहे. पावसाचे पाणी शाळांत शिरल्याने काही शाळांना सुटी जाहीर करण्यात आली आहे.
