मुंबई- कोरोनाच्या विरोधात अहोरात्र परिश्रम करणाऱ्या डॉक्टर आणि आरोग्य सेवेतील कर्मचाऱ्यांना सरकारकडून विमाकवच देण्यात येणार आहे. या पार्श्वभूमीवर राज्यातील पत्रकार, फोटोग्राफर आणि कॅमेरामॅन यांनाही विमाकवच मिळावे, अशी मागणी राष्ट्रवादीच्या नेत्या व खासदार सुप्रिया सुळे यांनी मुख्यमंत्री उद्धव ठाकरे यांना एक ट्विट करून केली आहे.
खासदार सुळे आपल्या ट्विटमध्ये म्हणतात, की सरकार व समाज यांच्यात दुवा म्हणून पत्रकार व सहकारी सध्या कोरोना विषाणूची भीती असतानादेखील कार्यरत आहेत. त्यांचाही अनेकांशी संपर्क येतो, यामुळे त्यांना विमाकवच मिळावे, अशी मागणी त्यांनी मुख्यमंत्र्यांना ट्विटवरून केली आहे.
हेही वाचा- 'मुंबईत कोरोनाचा फैलाव थांबविण्यासाठी प्रभागांमध्ये भरारी पथके करणार तपासणी'
