मुंबईत पावसाने घेतली उसंत;चाकरमानी निघाले कामावर

दोन दिवसांपासून मुंबई आणि परिसरात कोसळत असलेल्या मुसळधार पावसाने आज या परिसरात विश्रांती घेतली. यामुळे मुंबई आणि उपनगर या परिसरात जनजीवन पूर्वपदावर आल्याचे चित्र पाहावयास मिळत आहे. त्यामुळे चाकरमानी कामावर निघाले आहेत.

मुंबई- मागील दोन दिवसांपासून मुंबई आणि परिसरात कोसळत असलेल्या मुसळधार पावसाने आज या परिसरात विश्रांती घेतली. यामुळे मुंबई आणि उपनगर या परिसरात जनजीवन पूर्वपदावर आल्याचे चित्र पाहावयास मिळत आहे. त्यामुळे चाकरमानी कामावर निघाले आहेत.

रविवारी दिवसभर बंद असलेली हर्बरची लोकल सेवा आज सकाळपासून सुरू झाली आहे. त्यामुळे मानखुर्द, शिवाजीनगर, गोवंडी, चेंबूर, या पट्ट्यातील चाकरमानी हे आपापल्या कामावर निघाल्याचे चित्र या परिसरात पाहायला मिळत आहे. सकाळपासूनच हार्बर मार्गावरील लोकल सेवाही सुरळीत आहे. यामुळे या परिसरातील प्रवाशांना मोठा दिलासा मिळाला आहे. हवामान खात्याने मुंबई आणि परिसरात येत्या 24 तासात मुंबई आणि परिसरात मुसळधार पाऊस कोसळण्याची शक्यता वर्तवली असली तरी तूर्तास या परिसरात पावसाने विश्रांती घेतली आहे. चाकरमानी कामावर निघाले असून या परिसरातील नागरिकांनाही मोठा दिलासा मिळाला आहे.