मुंबई - अभिनेता सुशांत सिंह राजपूत याच्या आत्महत्येला एक आज वर्ष पूर्ण होत आहे. अद्यापही सुशांत सिंहने आत्महत्या केली की त्याची हत्या झाली हे अजूनही स्पष्ट झालेले नाही. १३ जून २०२० ते आजतागत या प्रकरणात विविध खुलासे, चौकशी आणि प्रकरणे बाहेर आली. मात्र आजही या प्रकरणाचा निकाल लावण्यात प्रशासनाला यश आलेले नाही.
१३ जूनची रात्र आणि १४ जूनच्या सकाळी सुशांत सिंह निवास्थानी नेमकं काय घडले ?
13 जूनच्या रात्री सुशांत जेवलाच नाही. सुशांतचा नोकर दिपेशने त्याला जेवणासाठी विचारणा केली मात्र सुशांतने जेवण्यास नकार दिला. जेवणाऐवजी मँगो मिल्क शेक मागवला. दिपेशने सुशांतला मॅंगो मिल्क शेक दिला. सुशांतने यावेळेस सगळ्यांना जेवण्यास सांगितले. दीपेशने स्वतःचे जेवण उरकून घेतले. काही वेळ मोबाईल चाळल्यानंतर त्याने सुशांतला फोन केला. मात्र सुशांतने त्याचा फोन उचलला नाही. साहेब झोपले असतील असे गृहीत धरून दीपेश झोपी गेला. 14 जूनला पहाटे दीपेश उठला. नेहमीची कामे आटपून दीपेश सुशांतच्या खोलीत गेला. यावेळेस सुशांत बेडवर उठून बसला होता. दिपेशने नेहमीप्रमाणे चहा आणि नाश्ता याबद्दल विचारले. सुशांतने चहा आणि नाश्ताला ही नकार दिला. थोड्या वेळाने जेवण बनवणारा केशव आणि नीरज दोघेही उठले. काही वेळाने सुशांत बेडरूमच्या बाहेर आला आणि केशवकडे थंड पाण्याची मागणी केली. केशवने सुशांतला थंड पाणी आणून दिले. जवळपास एका तासाच्या अंतराने सुशांतला फळांचा रस घेऊन केशव त्याच्या बेडरूममध्ये गेला. हीच काय ती सुशांतची शेवटची भेट.
आणि सुशांत आढळला लटकलेल्या अवस्थेत -
थोड्या वेळानंतर केशव जेवणासाठी काय बनवायचे हे विचारण्यासाठी सुशांतच्या खोलीकडे गेला. मात्र सुशांतची खोली आतून बंद होती. नोकराने दरवाजा वाजवला मात्र सुशांतने काही प्रतिसाद दिलाच नाही. या दिवशी सुशांतचा मित्र सिद्धार्थ पीठानी हा देखील सुशांत सोबत त्याच्या घरात राहत होता. सिद्धार्थ पीठानीने अनेकदा क्रिएटिव्ह आर्ट डिझायनर असल्याचे सांगितले आहे. दिपेशने सिद्धार्थला सुशांतचा दरवाजा बंद असल्याचे सांगितले. तिथे उपस्थित असलेले सिद्धार्थ, केशव, दीपेश आणि नीरज यांनी सुशांतच्या बेडरुमचा दरवाजा वाजवण्यास सुरुवात केली मात्र आतून काही प्रतिसाद येत नव्हता. दरम्यान सुशांतच्या बहिणीला देखील या प्रकाराची माहिती देण्यात आली. सुशांतच्या बहिणीने दरवाजा वाजवत राहा असे सांगितले. सुशांतचा मॅनेजर सॅम्युअल मिरांडालाही फोन करण्यात आला. दरवाजा लॉक असल्याने चावीवाल्याच्या मदतीने उघडण्याचे ठरले, याची कल्पना सुशांतच्या बहिणीलाही देण्यात आली. सिद्धार्थने गुगलवर चावीवाल्याचा नंबर शोधला. चावीवाल्याने दोन हजार रुपये चावी बनवण्यासाठी मागितले. चावीवाला आला त्याने दरवाजा उघडला त्याला पैसे देण्यात आले आणि तो निघून गेला. चावीवाला गेल्यानंतर दिपेश आणि सिद्धार्थ सुशांतच्या बेडरूममध्ये गेले बेडरुमच्या लाईट्स बंद होत्या. खिडक्या पडद्याने झाकल्या होत्या. खोलीमध्ये अंधार होता. लाइट्स लावण्यात आल्या आणि समोर सुशांत लटकलेल्या अवस्थेत दिसून आला. घडल्या प्रकाराची माहिती सिद्धार्थने सुशांतची बहिण मितुला फोनवरुन दिली. केशव आणि नीरज तोपर्यंत सुशांतच्या बेडरूम बाहेरच होते. सिद्धार्थने 108 नंबरला फोन करून डॉक्टर आणि ॲम्बुलन्सची मागणी केली. सिद्धार्थला सुशांतच्या बहिणीचा फोन आला. बहिणीच्या पतीने सिद्धार्थला सुशांतला खाली उतरण्यास सांगितले आणि त्याचा श्वास तपासण्यास सांगितले. सुशांतला शुद्धीवर आणण्याचा प्रयत्न करण्यात आला, मात्र त्यापूर्वीच सुशांत मृत्यू झाला होता.
सुशांत सिंह राजपूत मृत्यू प्रकरणाचा तपास मुंबई पोलिसांकडे -
सुशांत सिंह मृत्यू प्रकरणात मुंबई पोलिसांकडून आत्तापर्यंत 56 जणांचे जबाब नोंदवण्यात आले आहेत. मुंबई पोलिसांनी सुशांतवर उपचार करणाऱ्या मानसोपचारतज्ज्ञाचाही जबाब नोंदवला. सुशांतने निराशेतून हे पाऊल उचलल्याचा निष्कर्ष काढण्यात आला. मृत्यूपूर्वी सुशांत सिंह राजपूत गुगलवर मानसिक आजार, स्वतः विषयीच्या बातम्या, दिशा सालियन याविषयी सर्च करत होता. याच अनुषंगाने मुंबई पोलिसांचा तपास सुरू होता. दरम्यान सोशल मीडियावर सुशांत सिंह राजपूतची हत्या करण्यात आली आहे अशा स्वरूपाच्या पोस्ट व्हायरल होऊ लागल्या. या संपूर्ण तपासात मुंबई पोलिसांनी कमालीची गुप्तता पाळली. समाज माध्यमांवर दिशा आणि सुशांत यांच्या मृत्यूबाबत अनेक पोस्ट फिरू लागल्या. या सगळ्या पोस्ट संशयास्पद माहिती पुरवणाऱ्या होत्या. त्यातच सुशांतच्या कुटुंबियांनी मुंबई पोलिसांच्या तपासावर संशय व्यक्त केला त्यामुळे या प्रकरणाचे गुढ आणखी वाढतच गेले.
विरोधी पक्षांकडून सुशांतसिंह मृत्यू प्रकरणात केलेला दावा -
सुशांतचा मृत्यू ही आत्महत्या नाही तर त्याची हत्या केली आहे, असा दावा विरोधी पक्षांकडून करण्यात आला यामध्ये प्रामुख्याने नारायण राणे यांनी शिवसेनेच्या एका नेत्यावर आरोप केले. पुन्हा त्यांच्या आरोपाचा रोख शिवसेनेच्या एका नेत्यावर होता. तसेच सुब्रमण्यम स्वामी यांनी देखील सुशांतसिंहची हत्या झाली आहे असे म्हटले होते. सुशांतच्या कुटुंबीयांनी सुशांतला विष देऊन नंतर गळफास दिलाय असा आरोप केला. या प्रकरणात अनेक दावे प्रतिदावे करण्यात आले.
एम्सकडून देण्यात आलेला रिपोर्ट -
या प्रकरणाचा तपास सीबीआयकडे देण्यात आला. सीबीआयला दिल्लीतील एम्सने या प्रकरणाचा अहवाल सादर केला. या अहवालानुसार एम्सच्या डॉक्टरांनी सुशांतची हत्या झाली असावी, या शक्यतेला छेद दिला. हत्या झाली नाही हे डॉक्टरांनी स्पष्ट केले. तिच्या गळ्यावर गळफास घेतल्यानंतरचे मार्क आणि पोस्टमार्टममध्ये नोंदवण्यात आलेली मृत्यूची वेळ या तर त्यानुसार सुशांतची हत्या झाली असे म्हणता येणार नाही, असे डॉक्टरांच्या अहवालात स्पष्ट केले.
सुशांतच्या घरी पार्टी होती? त्या पार्टीत युवा नेता होता? -
सुशांत सिंग च्या घरी त्याच्या मृत्युपूर्वी 13 जूनला एक पार्टी आयोजित करण्यात आली होती. त्या पार्टीला एक युवा नेता सामील झाला होता. अशी थेअरी मांडण्यात येतेय. या प्रकरणात सिद्धार्थ पीठानी याचा महत्त्वाचा ठरतो. सिद्धार्थ मुंबई पोलीस, सीबीआय, बिहार पोलीस, यांना दिलेल्या जबाबात सुशांतच्या घरी कोणतीही पार्टी झाली नाही. असे सांगण्यात आले. सुशांतच्या शेजाऱ्यांनी ही पार्टी बाबत माहिती नसल्याचे सीबीआयला सांगितले.
दिशा सालियन मृत्यू आणि सुशांत मृत्यू प्रकरण -
संपूर्ण प्रकरणात सुशांत आणि देशाच्या मृत्यूचे लिंग सोडले जातात हत्या आत्महत्या या पेचात अडकलेल्या सुशांत सिंग प्रकरणात सोशल मीडियावर वेगवेगळ्या थेअरी मांडल्या जात होत्या. सुशांतची हत्या झाली असं सोशल मीडियावर वारंवार प्रसारित होत होते. हे प्रकरण दिशा सालियन मृत्यूशी जोडण्यात आले. माजी मुख्यमंत्री नारायण राणे यांनी दिशावर लैंगिक अत्याचार करून तिची हत्या केली असा दावा केला. प्रसारमध्यमांनीही या विषयावर चर्चासत्र घडवली होती.
दिशा सालियन मृत्यू आणि पोलीस तपास -
दिशा सालियन मृत्यू नंतर तिचा मृतदेह भगवती रुग्णालयात शवविच्छेदनासाठी पाठवण्यात आला. शवविच्छेदन अहवालात दिशा चा मृत्यू इमारतीवरून पडल्यामुळे अंगावर झालेल्या समान मुळे झाला असल्याचं नमूद केलं. दिशाच्या शवविच्छेदन अहवालात तिच्यावर लैंगिक अत्याचार झाला असल्याचे कोणतेही पुरावे नसल्याचे देखील नमूद करण्यात आलं. पोलिसांकडून भगवती रुग्णालयाला प्रश्नावली पाठवण्यात आली होती. या प्रश्नावलीत थेट प्रश्न विचारण्यात आले होते. डॉक्टरांनी पोलिसांच्या प्रश्नावर तिला प्रतिसाद देत सगळ्या प्रश्नांची उत्तरे दिली. लैंगिक अत्याचार झाले नाहीत तसंच तिचा मृत्यू इमारतीवरुन पडून अंगावर झालेल्या सहा जखमांमुळे झाला असल्याचे देखील डॉक्टरांकडून सांगण्यात आले. दिशा ची होत असलेली बदनामी लक्षात घेता दिशा सालियानच्या कुटुंबीयांनी पोलिसात धाव घेतली आणि बदनामी करणार्‍यांवर कारवाईची मागणी केली. तसेच दिशाच्या कुटुंबीयांनी माध्यमांच्या समोर येऊन सगळे आरोप फेटाळून देखील लावले आणि खोडून ही काढले.
दिशा सालियानची पार्टी आणि तो मंत्री -
एका दाव्यानुसार दिशाच्या पार्टीत एक मंत्री एक मोठा अभिनेता आणि रिया चक्रवर्तीचा भाऊ शोविक चक्रवर्ती सहभागी झाला होता. तसेच आठ जून ला देशाच्या मृत्यूच्या दोन दिवसानंतर तिच्यावर शवविच्छेदन झाले होते असा तर्क देखील मांडण्यात येतो. सगळ्या प्रकरणात पोलीस तपास काय सांगतो, हे देखील महत्वाचे ठरते.
पोलीस तपास आणि सीसीटीव्हीचे पुरावे -
पार्टीच्या दिवसाचे सीसीटीव्ही फुटेज पोलिसांकडून तपासात खंगाळण्यात आले. या दिवशी रूमवर चार मित्रांनी व्यतिरिक्त दुसरे कोणीही गेले नसल्याचे सीसीटीव्हीत स्पष्ट दिसून आले. त्यामुळे शौविक, अभिनेता आणि एक मंत्री पार्टीला उपस्थित असल्याचा दावा पोलीस तपासात खोडून निघाला. दिशाचा मृत्यू झाला त्यावेळी कोविडची परिस्थिती होती. त्यामुळे तिच्या मृतदेहाची प्रथम कोरोना चाचणी करण्यात आली. त्याचा रिपोर्ट येईपर्यंत वेळ लागला. रिपोर्ट निगेटिव्ह आल्यानंतर मगच शवविच्छेदन झाले. असे डॉक्टरांनी सांगितले.
15 कोटी आणि ईडीचा तपास -
या प्रकरणाचा तपास बिहार पोलीस तसेच ईडी देखील करत होती. सुशांत सिंग च्या वडलांनी बिहार पोलिसांकडे रिया चक्रवर्ती वर आरोप केला होता की, रियाने सुशांतच्या खात्यातून 15 कोटी रुपये काढले आहे. या प्रकरणाचा तपास ईडी करतेय. ईडीला आतापर्यंत या प्रकरणात 15 कोटी गैरव्यवहाराचे कोणतेही पुरावे आढळून आले नाही. याप्रकरणी रिया चक्रवर्तीचे सगळे बँक खाती तपासून पाहिले आहेत मोबाईल वरील संभाषण देखील ऐकलं आहे. प्रकरणात मोबाईलच्या संभाषणांमध्ये ड्रग्ज च्या व्यतिरिक्त तर कोणतही आक्षेपार्ह संभाषण आढळ असल्याचे स्पष्ट करण्यात आले आहे.
या प्रकरणात एनसीबीची भूमिका -
ईडी न केलेल्या तपासात मोबाईल वरील संभाषण आत ड्रग्जचा उल्लेख आला होता. याप्रकरणी एनसीबीने रिया चक्रवर्ती ला अटक केली. तसेच शौविक चक्रवर्तीलाही अटक केली. टॅलेंट मॅनेजर जया साहा, सुशांत सिंग राजपुतची माजी व्यवस्थापक श्रुती मोदी व हॉटेल व्यवसायिक गौरव आर्या यांच्या विरोधात अंमली पदार्थ प्रतिबंधक कायदा कलम 20, 22, 27 व 29 अंतर्गत गुन्हा दाखल करण्यात आला होता. रियाच्या चॅटच्या आधारे एनसीबीने 15/20 क्रमांकाचा गुन्हा दाखल केला होता. त्यानंतर दाखल करण्यात आलेल्या 16/20 क्रमांकाच्या गुन्ह्यात एनसीबीने आतापर्यंत रिया, शौविक, मिरांडासह 20 जणांना अटक केली आहे. या दोनही गुन्ह्यांत रिया आरोपी आहे.
