मुंबई : मुंबईतीलच एका कारागृहात माहिर सिद्दीकी हा कैदी अंडर ट्रायल होता. मात्र पोलिसांना तो कुठे फरार आहे हे माहिती नव्हते. तपासादरम्यान, तो मुंबईतल्याच एका तुरुंगात अंडर ट्रायल कैदी होता, हे समोर आले. याबाबत मोकोका न्यायालयाने आश्चर्य व्यक्त करत पोलिसांच्या कार्यपद्धतीवर नाराजी व्यक्त केली. पुराव्या अभावी आरोपीची सुटका केली.
कार्यपद्धती नियमानुसार करणे अपेक्षित शेरे : महाराष्ट्र संघटित गुन्हेगारी नियंत्रण कायदा (मकोका) प्रकरणांचे विशेष न्यायाधीश ए एम पाटील यांनी खुनाच्या आरोपीची निर्दोष मुक्तता केली. आरोपीने बॉम्बे अमन कमिटीचे अध्यक्ष वाहिद अली खान यांचा खून केल्याचा आरोप माहिर सिद्दीकी याच्यावर होता. यावेळी पोलिसांना सुनावत कोर्टाने, पोलिसांकडे अंडर ट्रायल कैद्यांचे तपशील असतात. तरीही पोलिसांना या तुरुंगात असलेल्या आरोपीचा पत्ता लागू नये याचे रहस्य काय असा प्रश्न विचारला. पोलिसांना आपली कार्यपद्धती नियमानुसार करणे अपेक्षित असल्याचे शेरे देखील नमूद केले.
विविध राज्यांमध्ये पथकेही जाऊन आली : सन 1999 मध्ये बॉम्बे अमन कमिटीचे अध्यक्ष वाहिद अली खान यांच्या हत्येचा आरोप माहिर सिद्दीकी याच्यावर होता. तो दुसऱ्या एका प्रकरणात तुरूंगात पोलिसांकडे अंडर ट्रायल होता. मात्र हे त्या पोलिसांना माहित नव्हते. माहिर सिद्दीकी याचा शोध घेण्यासाठी पोलिसांनी जंग जंग पछाडले. विविध राज्यांमध्ये पथकेही जाऊन आली. अटक वॉरंट जारी केले. अखेर त्याचा तपास लागला. माहिर सिद्दीकी हा शार्प शुटर आहे. तुरुंगात अंडर ट्रायल कैदी असल्याने तो बाहेर आढळून येत नव्हता. मागील 20 वर्षांपासून फरार असल्यातचे त्याला पोलिसांनी जाहीर केले होते.
पोलिसांचा तपास : कोर्टाने फिर्यादीच्या खटल्यातील अनेक विसंगतींचा उल्लेख केला. सिद्दीकी आणि सहआरोपींनी जुलै 1999 मध्ये मुंबईतील एलटी मार्ग भागात वाहिद अली खान यांची त्याच्या घराजवळ गोळ्या झाडून हत्या केली होती. गुन्हा केल्यानंतर दोघांनी घटनास्थळावरून पळ काढला होता. मे 2019 मध्ये पोलिसांनी सिद्दिकीचा शोध घेऊन त्याला अटक केली. त्यांना त्याच्याविरुद्ध पुरेसे पुरावे मिळाले आणि त्याद्वारे त्याच्याविरुद्ध आरोपपत्र दाखल केले. तपासादरम्यान पोलिसांना सिद्दीकी आणि छोटा शकीलसह सहा जणांचा सहभाग आढळून आला. छोटा शकीलच्या सांगण्यावरून हा गुन्हा घडल्याचेही त्यांना आढळून आले, असे पोलिसांनी सांगितले होते.
अंडरट्रायल कैदी होता : कोर्टाने आपल्या आदेशात म्हटले आहे की, सिद्दीकीविरुद्ध पुरवणी आरोपपत्र दाखल करताना, फिर्यादीने दावा केला की घटनेच्या तारखेपासून अटक होईपर्यंत तो फरार होता. पण तो २०१४ ते २०१९ दरम्यान अन्य एका खटल्यात अंडरट्रायल कैदी होता आणि त्याला सीआयडीने अटक केली होती. मग तो तुरुंगात असताना त्याचा शोध लावण्यात पोलीस कसे अपयशी ठरले, असा सवाल न्यायालयाने केला.पोलिसांच्या कार्यपद्धती बाबत नाराजी देखील व्यक्त केली.
हेही वाचा : Wheat Prices: गव्हावर प्रत्येक क्विंटल बोनस द्यावा, भाव कोसळण्याआधी नियोजन करावे- शेतकऱ्यांची मागणी
