मुंबई - मुसळधार पावसाने दिवसभर मुंबईला चांगलेच झोडपून काढले. एकीकडे या पावसामुळे मुंबईच्या जनजीवनावर परिणाम झालेला दिसून आला. तर दुसरीकडे मरीन ड्राईव्हवर पावसाचा आनंद लुटण्यासाठी मोठ्या संख्येने मुंबईकर जमा झालेले पहायला मिळाले.
मुंबईकरांनी लुटला पावसाचा आनंद
मुंबईत दिवसभर झालेल्या पावसामुळे मुंबईची लाईफ लाईन असलेल्या लोकल सेवेवर परिणाम झाले. तर मध्य हार्बर मार्गावरची लोकल सेवा तब्बल ३० मिनिटांहून अधिक उशिराने धावत होती. संध्याकाळ असल्याने कार्यालयातून लवकर निघण्याचा चाकरमान्यांनी प्रयत्न केला. परंतु, पावसामुळे त्यांना घरी पोहोचण्यास विलंब होत होता.
तर दुसरीकडे मात्र सतत पडणाऱ्या पावसाचा आनंद लुटण्यासाठी मुंबईकर मारिन ड्राइवसारख्या ठिकाणी मोठ्या संख्येने येत असल्याचे पहायला मिळाले. याचा आढावा घेतला आहे मरिन ड्राइव्ह येथून आमचे प्रतिनिधी महेश बागल यांनी.
