मुंबई - मुंबईत देशभरातून येणाऱ्या लांब पल्ल्याच्या गाड्या येत असताना मुंबईतील उपनगरीय रेल्वे लोकल सेवेवर त्याचा परिणाम होतो. गर्दीमुळे लोकल सेवा बाधित होते, यामुळे वांद्रे टर्मिनस येथील लांब पल्ल्याच्या गाड्यांचा भार कमी करून तो जोगेश्वरी येथेच परस्पर थांबविण्यात प्रयत्न करण्यात येत आहेत. या मतदारसंघातील खासदार गजानन किर्तीकर ( MP Gajanan Kirtikar ) यांनीही जोगेश्वरी रेल्वे टर्मिनल ( Mumbai Jogeshwari Terminus ) बाबत सातत्याने पाठपुरावा केला आहे. त्यानुसार रेल्वेने जोगेश्वरी टर्मिनल प्रकल्पाला मंजुरी ( Approval for Jogeshwari Terminal Project ) सुद्धा दिली आहे नुकतीच जोगेश्वरी टर्मिनसच्या 69 कोटींच्या कामाला रेल्वे बोर्डाच्या संचालक पंकज कुमार यांनी मंजुरी देऊन रेल्वेच्या आर्थिक संचालकांकडे हा विषय पाठवला होता.
कीर्तीकरांची संसदेत निधीची मागणी - मात्र निधी अभावी जोगेश्वरी रेल्वे टर्मिनलचे काम संथ गतीने सुरू असल्याने रेल्वे टर्मिनलसाठी केंद्र सरकारने जास्तीत जास्त निधी द्यावा, यासाठी बाळासाहेबांची शिवसेना पक्षाचे खासदार गजानन कीर्तिकर ( Demand for funding for Mumbai Jogeshwari Terminus ) यांनी संसदेत हा प्रश्न लावून धरला. या रेल्वे टर्मिनल साठी अधिक निधी देण्यात यावा अशी मागणी त्यांनी आज केंद्राकडे केली आहे. हे टर्मिनल लवकरात लवकर पूर्ण झाल्यास पश्चिम उपनगरीय लोकल रेल्वे सेवेवरचा ताण कमी होईल असा दावाही त्यांनी केला.
काय आहे प्रकल्प? लांब पल्ल्याच्या गाड्यांमुळे मुंबई उपनगरीय रेल्वे सेवेला नेहमी फटका बसतो त्यामुळे उपनगरात रेल्वे टर्मिनस बांधण्यात प्राधान्य देण्यात आले दोन वर्षांपूर्वी रेल्वेच्या अर्थसंकल्पात जोगेश्वरी टर्मिनस चा समावेश करण्यात आला होता पश्चिम रेल्वेचे दोन फलाट बांधण्याचे कामही पूर्ण झाले आहे जोगेश्वरी टर्मिनसच्या पुढील कामाला ही मंजुरी देण्यात आली आहे. त्यामुळे येत्या दोन वर्षात पश्चिम उपनगरात राहणाऱ्या प्रवाशांना थेट जोगेश्वरीतून लांब पल्ल्याच्या गाड्यांमध्ये बसता येणार आहे. पश्चिम रेल्वेच्या मुंबई सेंट्रल वांद्रे टर्मिनस चा भाग कमी करण्यासाठी जोगेश्वरी येथे लांबपल्याच्या गाड्यांचे नवे टर्मिनस उभारले जात आहे.
69 कोटींच्या कामांना मंजुरी - आता रेल्वेचे रूळ, ओवर हेड वायर, सिग्नल यंत्रणा यासह अनेक अन्य तांत्रिक कामे केली जाणार आहेत. वांद्रे टर्मिनसच्या कोणत्या गाड्या इथे वळवण्यात येणार आहेत, किंवा कोणत्या नव्या गाड्या या टर्मिनलवरून सोडायच्या याबाबतही रेल्वेची चाचपणी सुरू आहे. मात्र, या रेल्वे टर्मिनसची उभारणी लवकरात लवकर होण्यासाठी निधीची आवश्यकता असून त्याचाच पाठपुरावा खासदार कीर्तिकर करत आहेत.
