Breaking News : शिंदे गटासोबत झालेल्या युतीबाबत आरपीआय नेते अविनाश महातेकर यांची प्रतिक्रिया

महाराष्ट्र ब्रेकिंग न्यूज

Published : Jan 10, 2023, 6:29 AM IST

Updated : Jan 10, 2023, 10:36 PM IST

22:35 January 10

शिंदे गटासोबत झालेल्या युतीबाबत आरपीआय नेते अविनाश महातेकर यांची प्रतिक्रिया

मुंबई - जोगेंद्र कवाडे यांच्यासोबतची ही युती रामदास आठवले किंवा इतर कोणत्याही ज्येष्ठ आरपीआय नेत्याशी सल्लामसलत न करता करण्यात आल्याने आम्ही नाराज आहोत: जोगेंद्र कवाडे यांच्या नेतृत्वाखालील पीपल्स रिपब्लिकन पार्टी ऑफ इंडिया आणि शिवसेना (शिंदे गट) यांच्याशी झालेल्या युतीबाबत आरपीआय नेते अविनाश महातेकर यांनी प्रतिक्रिया दिली आहे.

कवाडे यांच्या क्षमतेवर आम्ही भाष्य करणार नाही, पण अशा युतीपूर्वी आमच्या नेत्यांचा सल्ला घ्यायला हवा होता. आम्ही महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना भेटण्यासाठी वेळ मागितली आहे, असेही आरपीआय नेते अविनाश महातेकर यावेळी म्हणाले.

19:29 January 10

कत्तलीसाठी डांबून ठेवलेल्या तब्बल 45 जनावरांची सुटका

बीड - कत्तलीसाठी डांबून ठेवलेल्या तब्बल 45 जनावरांची सुटका करण्यात आली आहे. या प्रकरणी दोघांवर गुन्हा दाखल करण्यात आला आहे.

19:16 January 10

शिंदे ठाकरे सत्ता संघर्षावर अजित पवार म्हणाले, तारिख पर तारीख येतच राहील

मुंबई - राज्यातील शिवसेनेच्या अंतर्गत संघर्षावरील खटल्याची सुनावणी आजही पुढे ढकलण्यात आली. सर्वोच्च न्यायालयाने आता याबाबतची सुनावणी 14 फेब्रुवारीला होईल असे सांगितले. यावर विरोधी पक्षनेते अजित पवार यांनी मिश्कील प्रतिक्रिया दिली आहे. ते म्हणाले की यावर आता तारिख पे तारीख येत राहील. ही प्रक्रिया प्रदीर्घ काळापर्यंत चालेल असेही ते म्हणाले आहेत.

19:08 January 10

IIT JEE मुख्य परीक्षा पुढे ढकलण्यास हायकोर्टाचा नकार

मुंबई - मुंबई उच्च न्यायालयाने या महिन्यात होणारी आयआयटी जेईई मुख्य परीक्षा पुढे ढकलण्यास नकार दिला आहे. मुख्य न्यायमूर्ती एस व्ही गंगापूरवाला आणि न्यायमूर्ती संदीप मारणे यांच्या खंडपीठाने हा निर्णय दिला. परीक्षा पुढे ढकलल्याने लाखो IIT इच्छुकांवर परिणाम होईल, असे मत न्यायालयाने निकाल देताना व्यक्त केले. यासंदर्भात बालहक्क कार्यकर्त्या अनुभा सहाय यांनी जनहित याचिका दाखल केली होती.

15:44 January 10

आर्थिक संकटामुळे मुलाला मारून पती पत्नीची आत्महत्या

बडोदा - आर्थिक संकटामुळे येथे सामूहिक आत्महत्येची वेदनादायक घटना घडली आहे. पती पत्नी आणि मुलाच्या आत्महत्येच्या या प्रकरणात त्यांनी स्वतःच्या इच्छेने सामूहिक आत्महत्या केल्याचा उल्लेख सुसाईड नोटमध्ये केला आहे. मात्र, पोलिसांनी सर्व प्रकारे पुढील तपास केला आहे.

15:03 January 10

महाराष्ट्र केसरी कुस्ती स्पर्धा पुण्यामध्ये आज सुरू

पुणे - गेल्या अनेक दिवस वादात सापडलेली आणि दोन वर्ष न झालेली महाराष्ट्र केसरी कुस्ती स्पर्धा पुण्यामध्ये आज सुरू होत आहे. 65व्या महाराष्ट्र केसरी कुस्ती स्पर्धेचा फड आजपासून पुण्यात रंगणार आहे. पुण्याचे माजी महापौर मुरलीधर मोहोळ यांनी आयोजित केलेल्या या स्पर्धेत 900 पेक्षा अधिक पैलवान सहभागी होणार आहेत. एकीकडे ही स्पर्धा सुरू होत असताना महाराष्ट्र राज्य कुस्तीगीर परिषदेचे माजी सचिव बाळासाहेब लांडगे यांनी या स्पर्धेवर आक्षेप घेत ही स्पर्धा अधिकृत नसल्याचा आरोप केला आहे. मात्र या स्पर्धेला भारतीय कुस्ती महासंघाची मान्यता असल्याने ही स्पर्धा अधिकृत असल्याचा दावा आयोजकांनी केला आहे.

14:49 January 10

मुंबईच्या महिलेवर अहमदाबादमध्ये गॅंगरेप, दोघांना अटक

मुंबई - विलेपार्लेत राहणाऱ्या 49 वर्षाच्या महिलेवर अहमदाबाद येथे गॅंगरेप करण्यात आला आहे. दोन आरोपींना या प्रकरणी अटक केल्याची माहिती मुंबई पोलिसांनी दिली आहे.

14:41 January 10

महापालिकांमध्ये आता ५ नाही तर १० स्वीकृत नगरसेवक असणार

मुंबई - राज्यसरकारने एक महत्वपूर्ण निर्णय घेतला आहे. मुंबई, नवी मुंबई, पुणे, ठाणे तसेच नाशिक या मोठ्या महापालिकेत किमान दहा स्वीकृत सदस्य असतील. महापालिकेत एकूण सदस्य संख्येच्या दहा टक्के स्वीकृत नगरसेवक होऊ शकतात किंवा दहा स्वीकृत नगरसेवक होऊ शकतात. यापैकी जी संख्या छोटी असेल त्यानुसार स्वीकृत सदस्यांची निवड होणार आहे.

14:38 January 10

समृद्धी महामार्गावर १४ रानडुक्करांना अज्ञात वाहनाने चिरडले

नागपूर - हिंगणा तालुक्यातील आजनगाव शिवारात समृद्धी महामार्गावर १४ रानडुक्करांना अज्ञात वाहनाने चिरडले आहे. अपघात झाला तो परिसर समृद्धीच्या बुटीबोरी भागात येतो. घटनेची माहिती समजताच रात्री वनविभागाचे अधिकारी कर्मचारी दाखल झाले.

14:35 January 10

अनधिकृत बॅनर विरोधात महापालिकेची कारवाई

ठाणे - मध्यरात्री शिंदे गटाविरोधात लावण्यात आलेल्या अनधिकृत बॅनर विरोधात महापालिकेने कारवाई केली होती. महापालिकेच्या तक्रारीवरून नौपाडा पोलिस स्थानकात गुन्हा दाखल करण्यात आला आहे. महाराष्ट्र विद्रुपीकरण कलम ३ आणि ४ नुसार नौपाडा पोलीस ठाण्यात अज्ञातांच्या विरोधात गुन्हा नोंद करण्यात आला आहे.

13:51 January 10

नीटची परीक्षा मेडिकल इंटर्नशिप करणारे डॉक्टर्स मुकणार?

मुंबई - नीटची परीक्षा राज्यातील मेडिकल इंटर्नशिप करणारे ज्युनियर डॉक्टर्स मुकणार अशी परिस्थिती निर्माण झाली आहे. नीट परीक्षा 5 मार्च 2023 रोजी होणार आहे. नीट पदव्युत्तर परीक्षेसाठी इंटर्नशिप पात्रता 30 जून 2023 अशी करावी ही मागणी होत आहे. एमबीबीएस अंतिम वर्षाच्या डॉक्टर विद्यार्थ्यांची ही मागणी आहे. देशातील एकूण विद्यार्थ्यांपैकी 75 टक्के विद्यार्थी नीट परीक्षेला मुकणार असे दिस आहे. राष्ट्रीय ज्युनियर मेडिकल असोसिएशनने मागणी केली आहे की, याबाबत केंद्र शासनाने त्वरित हस्तक्षेप करावा.

13:06 January 10

धूत यांच्या याचिकेवर 13 जानेवारीला सुनावणी

मुंबई - आयसीआयसीआय बँक घोटाळा प्रकरणात सीबीआय अटक केलेल्या व्हिडिओकॉन समूहाचे व्यवस्थापक वेणूगोपाल धूत यांनी मुंबई उच्च न्यायालयात धाव घेतली आहे. धूत यांच्या जामीन वरील याचिकावर तातडीने सुनावणी घेण्याची विनंती आज धूत यांच्या वकिलांनी केल्यानंतर या याचिकावर 13 जानेवारी रोजी सुनावणी घेण्याचे निश्चित करण्यात आले आहे. न्यायालयाने सीबीआयला धूत यांच्या जामीनावर उत्तर दाखल करण्याचे निर्देश दिले आहे.

11:39 January 10

सत्ता संघर्षावरील पुढील सुनावणी 14 फेब्रुवारीला होणार

सत्ता संघर्षावरील पुढील सुनावणी 14 फेब्रुवारीला होणार आहे. सुनावणी संदर्भात शिवसेना ठाकरे गटाने सात बेंचेसकडे प्रकरण नेण्याची मागणी केली होती

09:46 January 10

१६ अपात्र आमदारांवर सुनावणीची शक्यता धुसर

राज्यातील सत्ता संघर्षाबाबत १६ अपात्र आमदारांवर सुनावणीची शक्यता धूसर आहे. ठाकरे गटाने ७ बेंच जजची मागणी केली आहे. त्यामुळे सुनावणी पुढे ढकलली जाण्याची शक्यता आहे.

09:32 January 10

पक्ष फोडण्यासाठी वारेमाप पैसा खर्च करण्यात आला -संजय राऊत

खासदार संजय राऊत यांनी शिंदे गटावर कडाडून टीका केली आहे. ते म्हणाले, की आमची बाजू न्यायाची आहे. आम्ही सर्वप्रकारच्या लढाईसाठी तयार आहोत. सत्तासंघर्षाचा निकाल पहिल्याच दिवशी लागू शकला असतो. महाशक्ती पाठिशी असल्याचा शिंदे गटाचा भ्रम आहे. या सरकारचा मृत्यू ठरलेला आहे. पक्ष फोडण्यासाठी वारेमाप पैसा खर्च करण्यात आला आहे.

08:47 January 10

वेणूगोपाल धूत यांची जामिनसाठी मुंबई उच्च न्यायालयात धाव, आज याचिकेवर सुनावणी होण्याची शक्यता

आयसीआयसीआय बँक घोटाळा प्रकरणात सीबीआय अटक केलेल्या व्हिडिओकॉन समूहाचे व्यवस्थापक वेणूगोपाल धूत यांनी मुंबई उच्च न्यायालयात धाव घेतली आहे. धूत यांनी जामीन अर्जसाठी याचिका दाखल केली आहे. या याचिकेवर आज ( 10 जानेवारी ) तातडीने सुनावणी घेण्यात यावी अशी मागणी देखील करण्यात आली आहे. मुंबई उच्च न्यायालयाने या प्रकरणातील इतर दोन आरोपी चंदा कोचर आणि दीपक कोचर यांना जामीन मंजूर केला आहे. मुंबई सत्र न्यायालयातील विशेष सीबीआय कोर्टाने यापूर्वी धूत यांचा बेकायदेशीर अटक केल्याचा अर्ज फेटाळून लावला होता. त्यानंतर त्यांनी आता जामिनासाठी मुंबई उच्च न्यायालयात धाव घेतली आहे. या अर्जावर आज सुनावणी होण्याची शक्यता आहे. आयसीआयसीआय बँक लोन घोटाळ्या प्रकरणात व्हिडिओकॉन ग्रुपचे व्यवस्थापक वेणूगोपाल धूत यांना अटक करण्यात आले होते. ही अटक बेकायदेशीर असल्याचे म्हणत सत्र न्यायालयात याचिका दाखल करण्यात आली होती. मात्र न्यायालयाने ही याचिका फेटाळून लावत न्यायालयाने असे निरीक्षण नोंदवले की सीबीआयने केलेली अटक ही कायदेशीर आहे. धूत यांनी आता मुंबई उच्च न्यायालयात जामिनासाठी अर्ज दाखल केला आहे

08:46 January 10

राज्य एसटी महामंडळाच्यावतीने रस्ता सुरक्षा मोहीम होणार सुरू

मुंबई महाराष्ट्रामध्ये रस्ते अपघाताचे प्रमाण वाढत आहे आणि हे प्रमाण शून्यवर आणण्यासाठी एसटी महामंडळ यांनी आता नवीन उपक्रम सुरू करण्याचे ठरवलेलं आहे. उद्यापासून म्हणजेच 11 जानेवारी ते 25 जानेवारी या काळात सुरक्षितता मोहीम सुरू होणार आहे. यामध्ये चालकांचं वाहकांचे प्रबोधन केलं जाणार आहे. तसेच प्रवाशांन देखील याबाबत सुरक्षेच्या संदर्भातली माहिती दिली जाईल.

08:31 January 10

उत्तर रेल्वेच्या 36 गाड्यांना उशीर

धुक्यामुळे उत्तर रेल्वेच्या 36 गाड्या उशिराने धावत आहेत.

07:03 January 10

मॉस्को ते गोव्याला जाणाऱ्या विमानात बॉम्बची अफवा, जामनगरमध्ये विमानाचे आपत्कालीन लँडिंग

रशियन दूतावासाने एक निवेदन जारी केले आहे की मॉस्को ते गोव्याच्या मार्गावर अझूर एअरच्या विमानात कथित बॉम्बच्या भीतीबद्दल भारतीय अधिकाऱ्यांनी त्यांना सतर्क केले होते. मॉस्कोहून गोव्याला जाणार्‍या अझूर एअरच्या विमानात बॉम्बच्या भीतीमुळे दूतावासाला भारतीय अधिकार्‍यांनी सतर्क केले होते. विमानाचे जामनगर इंडियन एअर फोर्स बेसवर आपत्कालीन लँडिंग करण्यात आले. विमानातील सर्वजण सुरक्षित आहेत. अधिकारी विमानाची तपासणी करत आहेत," असे सांगितले. रशियन दूतावासाने एका निवेदनात म्हटले आहे.

06:14 January 10

Breaking News : कुर्ल्यात गोळीबार, अज्ञात इसमांविरोधात गुन्हा दाखल

मुंबई : सोमवारी रात्री कुर्ला उपनगरात दोन अज्ञात व्यक्तींनी मुंबई महापालिकेच्या कंत्राटदाराच्या कारवर गोळीबार केल्याचे पोलिसांनी सांगितले. त्यामुळे खळबळ उडाली आहे. या प्रकरणी कुर्ला पोलीस ठण्यात गुन्हा दाखल करण्यात आला आहे. गोळीबारात गोळी कारच्या ड्रायव्हर बाजूच्या दरवाजाला लागली आहे. एका पोलीस अधिकाऱ्याने सांगितले की, कारमध्ये असलेल्या कंत्राटदाराला कोणतीही दुखापत झालेली नाही.