मुंबई - पर्यावरणाच्या संवर्धनासाठी आणि ऊर्जा बचतीसाठी मध्य रेल्वेकडून उपनगरीय मार्गावर 102 रेल्वे स्थानकांवर शंभर टक्के विद्युत एलईडी दिवे बसवलेले आहे. यामुळे मध्य रेल्वेला वार्षिक 9 लाख 12 हजार विजेच्या युनिट्ससह 1 कोटी 10 लाख रुपयांची बचत होणार आहे.
एलईडी दिव्यामुळे 7.59 कोटींची बचत
मध्य रेल्वेकडून मागील काही वर्षांपासून ऊर्जा बचत, ऊर्जा संवर्धनासाठी प्रयत्न सुरू आहे. कमी विजेचा वापर करून जास्तीत जास्त स्वच्छ प्रकाश देण्यावर मध्य रेल्वेकडून प्रयत्न केला जात आहे. होता मध्य रेल्वेच्या मार्गावर असलेले, 432 रेल्वे स्थानकांवर 57 हजार 552 एलईडी दिवे तर 2 हजार 650 रेल्वे निवासी कॉटर कार्यशाळा आणि इतर कार्यालयांमध्ये 81 हजार 766 एलईडी दिवे बसविण्यात आलेले आहे. यात मुंबई, पुणे, नागपूर, सोलापूर आणि भुसावळ या विभागाचा समावेश आहे. दरवर्षी मध्य रेल्वेचे एलईडी दिव्यामुळे 7 कोटी 59 लाख रुपयांची बचत होत आहे.
9 लाख यूनिट्सची होणार बचत
मध्य रेल्वेचे मुख्य जनसंपर्क अधिकारी शिवाजी सुतार यांनी 'ईटीव्ही भारत'ला दिलेल्या माहितीनुसार, स्वच्छ प्रकाशाबरोबर विजेची आणि पैशाची बचत या दृष्टीने एलईडी दिव्यांची व्यवस्था महत्त्वाची आहे प्रवाशांच्या सोयीसाठी अशी व्यवस्था उपनगरी यातील प्रत्येक स्थानकावर करण्यात आलेली आहे. मध्य रेल्वेच्या उपनगरीय लोकल मार्गावरील 102 रेल्वे स्थानकांवर डिसेंबर, 2020 मध्ये शंभर टक्के एलईडी दिवे बसविण्यात आले. त्यामुळे 2020-21 याआर्थिक वर्षात 9 लाख 12 हजार विजेच्या युनिट्समधून 1 कोटी 10 लाख रुपयांची बचत होणार आहे.
हेही वाचा - धक्कादायक..! भारतीय रेल्वेत घडणाऱ्या सर्वाधिक गुन्ह्यांमध्ये महाराष्ट्र अव्वल
