मुंबई- लालबागच्या राजाची परंपरा यंदाही कायम राहिली असून विक्रमी गर्दीसह मोठ्या गणेशभक्तांनी राजाच्या पेटीत सढळ हस्ते मोठ्या प्रमाणात दान केले. आतापर्यंत झालेल्या मोजणीमध्ये बाप्पाचा दानाचा खजिना 5 कोटींवर गेला असून आणखी दोन दिवस रोख रकमेची मोजणी सुरुच राहणार आहे. मुसळधार पाऊस होऊनही गणेशभक्तांनी बाप्पाला मोठ्या प्रमाणात दान केले आहे.
हेही वाचा- वर्ष उलटूनही पूर्णपणे प्लास्टिक बंदी नाही, मुंबईत प्लास्टिकचा खुलेआम वापर
भाविकांनी लालबागच्या राजाचरणी रोख रक्कम, सोने-चांदी, असे भरभरुन दान टाकले आहे. आतापर्यंत पहिल्या 9 दिवसांची रक्कम मोजली असून ती 5 कोटी ईतकी आहे. तर 3 किलो अधिक सोने, 50 किलो आधीक चांदीने राजाचा खजिना भरुन गेला आहे.
हेही वाचा- 'स्वतःची कातडी वाचवण्यासाठी त्यांनी पक्षबद्दल केले'
गणेशोत्सवात मुंबईसह राज्य व देशभरातील गणेशभक्त दर्शन घेण्यासाठी लालबागला येतात. दर्शनासाठी आलेले भाविक राजाच्या दानपेटीत मोठ्या प्रमाणात दान टाकतात. यात सोन्या - चांदीच्या वस्तूंसह रोख रक्कमही असते. अजूनही दोन दिवस मोजणी चालनार आहे. मोजणीसाठी 90 जणांची टीम कार्यरत असून यामध्ये मंडळाचे कार्यकर्ते, सदस्य, सल्लागार यांचा समावेश आहे.
