राज्यात आज कोरोना प्रतिबंधात्मक लसीकरणाचा ड्रायरन; ३० जिल्ह्यात मोहीम

कोल्हापूर - राज्यभरात कोरोना लसीकरणाचा सराव सुरू करण्यात आला आहे. कोल्हापूर जिल्ह्यात चार ठिकाणी ही लस दिली जाणार आहे. सुरुवातीच्या पहिल्या टप्प्यात प्रत्येक केंद्रात पंचवीस कर्मचाऱ्यांना ही लस देण्यात येत आहे. जानेवारीच्या शेवटच्या आठवड्यापर्यंत सर्वाना ही लस देण्याचा अंदाज व्यक्त होत आहे. राज्यातील 30 जिल्हे आणि 25 महानगरपालिका क्षेत्रांमध्ये शुक्रवारी कोरोना लसीकरणाच्या सराव मोहिमेला सुरुवात झाली. यापूर्वी 2 जानेवारीला पुणे, नंदुरबार, जालना, नागपूर या चार जिल्ह्यांत तसेच नागपूर व पिंपरी-चिंचवड या महानगरपालिका क्षेत्रात सराव मोहीम राबवण्यात आली आहे.