मुंबई - राज्याचे पाणीपुरवठा मंत्री व परतूर विधानसभा मतदारसंघातील भाजपचे उमेदवार बबनराव लोणीकर यांनी प्रचारसभेत भाषण करताना “आपण सर्व तांड्यांवर पैसे वाटलेले असल्याने आपल्याला निवडून येण्याची चिंता नाही” असे वक्तव्य केले आहे. एवढेच नाही तर मते मिळवण्यासाठी त्यांनी विशिष्ट जातीचा उल्लेखही यावेळी केला. यावर काँग्रेस कमिटीचे उपाध्यक्ष व प्रवक्ते डॉ. रत्नाकर महाजन यांनी राज्याच्या मुख्य निवडणूक अधिकाऱ्यांना पत्र लिहून उमेदवारी रद्द करण्याची मागणी केली आहे.
हेही वाचा - रविकांत तुपकरांची घरवापसी? पुन्हा स्वाभिमानी शेतकरी संघटनेत करणार प्रवेश
महाजन म्हणाले, लोणीकर यांनी आचारसंहिता भंग केली आहे. निवडणूक जिंकण्यासाठी ते भ्रष्ट मार्गांचा अवलंब करत आहेत. त्यामुळे बबनराव लोणीकर यांच्याविरूद्ध आचारसंहिता भंगाचा गुन्हा दखल करून त्यांची उमेदवारी रद्द करण्यात यावी, अशी मागणी त्यांनी यावेळी केली आहे.
हेही वाचा - 'भाजप-सेनेचं दिवाळं काढल्याशिवाय दिवाळी साजरी करायची नाही'
