मुंबई : पक्षाचे सचिव संजय भाऊराव मोरे यांनी माध्यमांना विनंती करणारे पत्र जारी केले आहे. मुख्यमंत्री एकनाथ शिंदे मंगळवारी संध्याकाळी पक्षाच्या पहिल्या राष्ट्रीय कार्यकारिणीच्या बैठकीचे अध्यक्षस्थान भूषवणार होते. भारतीय निवडणूक आयोगाच्या आदेशानुसार शिंदे गट असा उल्लेख न करता शिवसेना असा उल्लेख करावा. पुढील आढाव्यासाठी तुमच्या प्रतिनिधींना सविस्तर माहिती द्यावी, असे पत्रात म्हटले आहे. पूर्वी, शिंदे गटाला अधिकृतपणे बाळासाहेबांची शिवसेना आणि ठाकरे गटाला शिवसेना (उद्धव बाळासाहेब ठाकरे) असे संबोधले जात होते. शिंदे यांनी तत्कालीन मुख्यमंत्री आणि सेनेविरुद्ध बंड केले. उद्धव ठाकरे यांचे सरकार जून 2022 मध्ये पाडले.
राष्ट्रीय कार्यकारिणीची बैठक : 21 फेब्रुवारीला संध्याकाळी मुंबईत राष्ट्रीय कार्यकारिणीची बैठक आयोजीत करण्यात आली होती. या बैठकीत शिवसेनेच्या मुख्य नेतेपदी एकनाथ शिंदे हेच कायम ठेवण्यात आले होते. तसेच, सर्वाधिकार एकनाथ शिंदे यांच्याकडे देण्यात आले होते. मुंबईतील हॉटेल प्रेसिडेंटमध्ये ही बैठक आयोजीत करण्यात आली होती. या बैठकीत एकनाथ शिंदे यांनाच मुख्य नेतेपदी ठेवण्यात आले होते. पक्षाचे सर्व अधिकार शिंदे यांच्याकडेच देण्यात आले होते. या बैठकिला शिवसेनेचे प्रमुख नेते उपस्थित होते.
उद्धव ठाकरेंना आव्हान : एकनाथ शिंदे यांनी ४० आमदारांना सोबत घेऊन शिवसेना आमची असल्याचा दावा करत उद्धव ठाकरेंना आव्हान दिले होते. माजी मुख्यमंत्री उद्धव ठाकरे यांच्या हातून आता शिवसेनेचे नाव आणि धनुष्यबाण चिन्ह गेलेले आहे. केंद्रीय निवडणूक आयोगाने उद्धव ठाकरे यांच्यांकडून शिवसेनेचे नाव आणि धनुष्यबाण चिन्ह घेत एकनाथ शिंदे यांना दिले आहे. निवडणूक आयोगाने शिंदे यांच्या गटाला खरी शिवसेना म्हणून मान्यता दिली आहे.
अडीच वर्षाचा सत्ताकाळ : देवेंद्र फडणवीस यांनी 2019 च्या विधानसभा निवडणुकीनंतर शिवसेनेला बाजूला करत राष्ट्रवादी काँग्रेसला हाताशी घेऊन राज्यात सत्ता स्थापन केली होती. हा वचपा काढण्यासाठी उद्धव ठाकरे यांनी काँग्रेस आणि राष्ट्रवादीसोबत महाविकास आघाडी केली होती. ते राज्यात सत्तेवर आले होते, त्यांचा कार्यकाळ अडीच वर्षे चालला होता. ठाकरे यांचा बदला घेण्यासाठी भाजपने अनेक रणनीती आखल्याचे बोलले जात होते. अडीच वर्षाचा सत्ताकाळ गेल्यानंतर मुख्यमंत्री एकनाथ शिंदे यांना हाताशी धरत उद्धव ठाकरे यांना सत्तेवरून पायउतार केल्याचे दिसून येत आहे.
हेही वाचा : Shiv Sena History : शिवसेनेतील स्थापना ते पक्षातील आतापर्यंतची बंड; वाचा सविस्तर इतिहास
