मुंबई - भाजपचे सोशल मीडिया प्रमुख मनोज कटके यांच्यावर झालेल्या प्राणघातक हल्ल्याचे ( Attack on BJP partyworker in Dombivali ) मारेकरी अद्याप मोकाट असल्याचा आरोप आमदार रविंद्र चव्हाण ( MLA Ravindra Chavan ) यांनी केला. कल्याण-डोंबिवली विभागात सरकारची दपडशाही सुरू असल्याचे ते म्हणाले.
आघाडी सरकारचा भोंगळ कारभार -
कल्याण डोंबिवली भागात भाजपच्या सोशल मीडिया प्रमुख मनोज कटके यांच्यावर काही समाजकंटकांनी डोळ्यात मिरची पावडर टाकून हल्ला केला. कटके यात गंभीर झाले आहेत. आज या घटनेला पंधरा दिवस उलटून गेले. स्थानिक पोलीस ठाण्यात वारंवार तक्रार केली. मात्र, साधी पोलिसांकडून दखल घेण्यात आलेली नाही. राजकीय सूडभावनेतून हा हल्ला झाला आहे. गँगस्टरकडून त्रास देण्यात येतो आहे. सरकारची ही दडपशाही आहे. या विरोधात पोलीस ठाण्यासमोर आंदोलन सुरू केले. मात्र, पोलिसांनी दरवाजा बंद घेत आहेत, असा आरोप चव्हाण यांनी केला. आघाडी सरकारचा भोंगळ कारभार सुरू असून याला आळा बसायला हवा, असे चव्हाण म्हणाले.
हेही वाचा - Pravin Darekar : प्रविण दरेकरांवर गुन्हा दाखल; सुडभावनेने कारवाई केल्याची देरेकरांची प्रतिक्रिया
हल्ल्याचे कारण अद्याप अस्पष्ट -
आमदार चव्हाण यांनी कटके यांच्या प्रकृतीबाबत डॉक्टरांकडे माहिती घेतली. कटके यांची प्रकृती सध्या स्थिर आहे. याबाबत आमदार चव्हाण म्हणाले, भाजप कार्यकर्त्यावर झालेल्या भ्याड हल्ल्याचा आम्ही निषेध करत असून, पोलिसांनी लवकरात लवकर हल्लेखोरांना अटक करावी, अशी मागणी भाजपच्या वतीने करण्यात आली आहे. तर, कल्याण पोलीस परीमंडळचे पोलीस उपायुक्त सचिन गुंजाळ यांना विचारले असता, हल्लेखोरांना लवकरात लवकर अटक केली जाणार असल्याची माहिती त्यांनी दिली. हल्ला नेमका कुठल्या उद्देशाने करण्यात आला, याचे कारण अद्याप अस्पष्ट असून हल्लेखोरांच्या अटकेनंतरच सत्य समोर येणार असल्याचे सांगण्यात आले.
