मुंबई- हवामान खात्याने मुंबईत मुसळधार पावसाची शक्यता वर्तवली होती. त्यानुसार मागील तीन दिवस मुंबईसह उपनगरात मुसळधार पाऊस झाला. मात्र, आज या पावसाने विश्नांती घेतली आहे. शहरासह परिसरात काही ठिकाणी अधूनमधून हलक्या सरी कोसळत आहेत. रविवारी झालेल्या तुफान पावसाने ११६.१ मिलीमीटर एवढ्या पावसाची नोंद झाली आहे.
मुबई पाऊस अपडेट..
पावसामुळे पडझडीच्या घटना घडल्या आहेत. सहा ठिकाणी बांधकामाचा भाग पडला आहे. ८९ ठिकाणी झाडे उन्मळून पडली आहेत. तर ३१ ठिकाणी शॉर्टसर्किट झाले आहे. भांडूप संकुल येथे विहार तलावात एक मुलगा पडल्याची घटना घडली. अग्निशमन दलासह पोलीसांतर्फे त्याचा शोध सुरू आहे. नौदलच्या पाणबुड्यांनादेखील घटनास्थळी तैनात करण्यात आले होते. रविवारी रात्री ऊशिरापर्यंत त्याचा शोध सुरू होता.
