कोल्हापूर - राधानगरी तालुक्यातील धामोड बाजारपेठेत युनियन बँकेवर दरोडा पडल्याचे आज सकाळी उघडकीस आले. बँकेच्या स्ट्राँग रुममधील (तिजोरितील) सोने आणि रोख रक्कम चोरीस गेल्याची प्राथमिक माहिती मिळाली होती. मात्र, तपासाअंती हा अयशस्वी प्रयत्न असल्याचे उघडकीस आले आहे.
धामोड बाजारपेठेत युनियन बँकेची शाखा आहे. या बँकेवर आज सकाळी दरोडा पडल्याची माहिती समोर आली. घटनेची माहिती मिळताच अप्पर पोलीस अधीक्षक तिरुपती काकडे राधानगरी पोलीस ठाण्याचे पोलीस निरीक्षक उदय डूबल घटनास्थळी दाखल झाले. मात्र, तापसानंतर यामध्ये काहीही चोरीला गेले नसल्याचा खुलासा पोलिसांनी केला आहे. दरम्यान, या धाडसी दरोड्याच्या प्रयत्नामुळे धामोड परिसरात भितीचे वातावरण पसरले आहे. विशेष म्हणजे समोर 100 मीटर अंतरावर असलेल्या केडीसी बँकेवर सुद्धा दरोड्याचा प्रयत्न झाल्याची प्राथमिक माहिती मिळाली आहे.
