जालना - शहरातील गरीब शहा बाजारांमध्ये एका गोदामामधून ऑक्सिजनचे 49 सिलिंडर जप्त करण्यात आले आहेत. महसूल प्रशासन आणि औषधी प्रशासनाने संयुक्तरित्या ही कारवाई केली.
गरीब शहा बाजारामध्ये सतीशचंद सुभाषचंद जैन (रा. नेहरू रोड) यांचे एक गोदाम आहे. या गोदामांमध्ये ठेवलेले 49 ऑक्सिजन सिलिंडर या दोन्ही विभागाच्या अधिकाऱ्यांनी रविवारी रात्री साडेअकरा वाजता छापा टाकून जप्त केली. महसूल विभागाचे तहसीलदार श्रीकांत भुजबळ तर अन्न व औषधी प्रशासनाच्या निरीक्षीका अंजली मिटकरी, पोलीस उपनिरीक्षक रमेश रुपेकर यांच्यासह तिन्ही विभागाचे कर्मचारी देखील उपस्थित होते.
एका गोदामातून ऑक्सिजनची ४९ सिलिंडर जप्त
